Nongpoh, Nailur 23: Ka ophis u Deputy Commissioner ka Ri Bhoi District, mynta ka sngi ka pyntip ba yn khang ia ka jingiaid jong ki kali lyngba ka surok na Umling sha Patharkhmah kaba don kumba 32 kilometer kumba shibnai shiteng eiei .
Kane ka jingkhang ia ka surok kan sdang naduh ka 26 tarik u Nailur terter tad haduh ban da pynbna paidbah pat da kumwei.
La pyntip ruh, ba kane ka jingkhang ia ka iaid ka ieng ki kali na ka surok Umling sha Patharkhmah ka long namar ka jingmaramot bad ki jingtei thymmai ia kane ka surok kaba la don hapdeng ka jingjulor kaba la palat liam bad kaba la buh jingeh shikatdei ia u paidbah ha ka leit ka wan.
Khnang ba kan nym don kano kano ka jingthut jingwit ha ka jingmaramot ne pynbha ia katei ka surok,ki bor pyniaid district ki la pyntip ban khang shwa ia ka jingiaid jingieng ki kali kumba shibnai shiteng ban pyndep ia kane ka surok.
