Shillong, Rymphang 17: Ka Assam Rifles ha ka sngi Ba-ar, kala plie ia ka lympung ialehkai phutbol ka 4th Assam Rifles Sentinels Cup Football Tournament (Men & Women) 2026.
Ia kane ka lympung la plie da Maj Gen Jai Singh Bainsla, SM.
“Kane ka lympung ialehkai football ka long ka sakhi ia ka jingangnud jong ka Assam Rifles ban kyntiew ia ki kam ialehkai, ka jingiatreilang hapdeng ki samla, bad ka jingiasoh lang ha ka imlang sahlang ha ka thain shatei lammihngi” la ong u Maj Gen Bainsla.
Ha kane ka lympung ïalehkai ki don 8 tylli ki kynhun jong ki shynrang bad kynthei, kiba ïakhun ha ka rukom ïalehkai league-cum-knockout.
Ha kane ka jingïakhun plie ïalehkai ka Assam Rifles Football Team ka la ïoh ban pynliem ïa ka Laitkor FC da 5-0 kol ha thup jong ki kynthei.
Kane ka lympung ka thmu ban kyntiew ia ka rukom im kaba koit ba khiah, ban ai mynsiem ia ki samla ban shimkhia haka kam ialehkai.
“Ka jingialehkai ka dei ka atiar kaba donbor ban pyniatylli ia ki briew bad ban kyntiew ia ka jingtei ia ka jaitbynriew” ula ong.
Ka phainal kan long ha ka 27 tarik u Rymphang 2026, ha madan SSA Polo, ha kaba ka kynhun ba jop kAin ioh khur R.3 lak bad ka Assam Rifles Sentinels Cup Trophy
 2026.){kind=link}