Shillong, Rymphang 11: U MLA barim ka West Shillong constituency u Bah Mohendro Rapsang u la mih noh na ka National People’s Party (NPP) da kaba aidaw ia ki daw shimet.
Ha ka shithi iehnoh kam bala phah sha u President ka NPP Meghalaya Bah Prestone Tynsong ha ka 10 tarik Rymphang, u Bah Rapsang u la ong, “Nga phah kane ka shithi iehnoh kam jong nga kum u dkhot ka NPP namar ki daw shimet”.
U Bah Rapsang u la pynpaw ka jingsngewkmen halor ka jingïoh ban shakri ïa ka party ha kine ki saw snem ba la dep.
“Nga sngewnguh shisha ïa ka NPP kaba la ailad ïa nga ban shakri bad ïatreilang ha kine ki saw snem ba la dep,” ong u Rapsang haba bynrap “Ka jingshemphang bad ka jingkyrshan kaba nga la ïoh ha ka por ba nga ïasyllok bad ka Party kan long kaba kordor. Nga shim ia kane ka kabu ban kitbok kitrwiang ia ka Party ba kan dang iai bteng ban jop ha baroh ki jingpyrshang jong ka ha ki por ban wan.”
U Bah Rapsang u la pyniasoh sha ka NPP shwa ka ilekshon MLA 2023 hadien ba u la shah sospon ha ka Congress namar ba u la ai jingkyrshan ia ka Sorkar MDA-I.
U la iakhun ia ka elekshon da ka tiket ka NPP hynrei u la rem noh ha u Bah Paul Lyngdoh jong ka United Democratic Party (UDP).
Ki tyllong khubor ki iathuh ba u Bah Rapsang, u lah ban pyniasoh ialade bad ka Bharatiya Janata Party (BJP) kum ka jingpynkhreh ia ka elekshon MLA 2028.
 da kaba aidaw ia ki daw shimet.){kind=link}