Assam | Kynnoh u CM ba don ka jingsylla ka Pakistan ban pyntroin iaka India ; phah ka SIT ia ka kaiphod sha ka MHA

Guwahati, Rymphang 9: U Myntri Rangbah ka Assam Himanta Biswa Sarma ha ka sngi U Blei u la kynnoh ia ka jingdon ka jingsylla ha kylleng ka pyrthei ba don jingiadei bad ka Pakistan ban pynkhih win ïa ka saiñ hima sima bad ka synshar khadar hapoh ka ri India, da kaba kdew ïa ki jinglap jong ka kynhun tohkit Special Investigation Team (SIT) haba bisharïa ka kaiphod u snem 2014 bala pynmih da ka Elizabeth Colburn Gogoi, ka lok jong u MP ka Congress u Gaurav Gogoi.

Ka kynhun Myntri jong ka Assam ka la rai ban phah ia kane ka case sha ka Union Ministry of Home Affairs (MHA), da kaba kdew ia ka u pud treikam ka Sorkar Jylla bad ka jingdonkam ban tohkit da ki tnad ka central agency, kynthup ia ka jingiatreilang kaba lah ban long bad ki ri ka pyrthei.

Haba ia kren bad ki nongthoh khubor, u Sarma u la ong ba ka jingtohkit jong ka SIT ka long halor ka kaiphod kaba 45 sla kaba la pynkhreh ha u snem 2014 da ka Elizabeth Gogoi bad kaba la ïasam bad ka seng non-profit organisation Lead Pakistan.

Katkum u Myntri Rangbah ka Jylla, ka sorkar kmie ka sngewkhia shibun namar ba ka long ba ka kaiphod ka la sot ïa ki jingkheiñ jong ka Intelligence Bureau (IB) haba bishar bniah ïa ka saiñ hima sima jong ka India hadien ka jingkylla sorkar ha ka Centre ha u snem 2014.

“Ka jingeh ka long ba kane ka kot la pynkhreh da ka Elizabeth Gogoi bad kaba la phah sha kawei ka seng kaba don ha Pakistan ka la sot ia ki jingthew jong ka IB bad la pyndonkam ia ki ban tei ia ka jingiathuh khana ha ka sain pyrthei bad ka buit treikam shaphang ka India”, la ong u Sarma.

Ka kaiphod la kynnoh ba ka la pynkut ba “ka jingïadei kaba la ju don” bad ka sorkar pdeng jong ka India kan ym treikam shuh hadien u snem 2014 bad ka la ai jingmut ïa ka buit treikam ba la pynkylla thymmai kaba la batai kum “low reach, low visibility” ne ka jingïoh rung kaba duna, ka jingïohi kaba duna.” Ka la ai jingmut ban pyniaid ia ki kam lyngba ki bor synshar shnong, ki sorkar jylla, bad ki jaka treikam ba shapoh jong ka ri katba dang iaid lait ia ka sorkar pdeng.

U Sarma u la ong ba ka kot ka la pynïar shabar jong ka jingbishar bniah ïa ka jinglong ka suiñbneng ne ka roi ka par bad ka la rung sha ka jingsynshar hapoh ka ri India, ka buit saiñ hima sima, bad ka jinglong jingman ha ka imlang sahlang — da kaba pynkiew ïa ki lama saw namar ka jingpynpoi jong ka sha ka kynhun kaba don ha Pakistan.

Ka bynta jong u Ali Tauqer sheikh

Ka SIT ka la ithuh ïa u Ali Tauqeer Sheikh, uba dei u nong Pakistan ia kaba la batai da ka sorkar Assam ba u don ka jingïadei bad ka Pakistan’s Planning Commission bad u CEO jong ka Lead Pakistan, kum u nongpdiang ba kongsan jong kane ka report.

Katkum u Sarma, u Sheikh u la shim ia ki nongrim kiba pyrshah ia ka India halor ki mat jong ka Assam, ka NRC, ka jingshongkha hapdeng ki niam, ka jingiadei para jaitbynriew, bad ka jingshngain hapoh ka ri, katba u dang kyrshan tyngeh ia ka jinglong jong ka Pakistan halor ka Indus Waters Treaty.

“Kine ki jingthoh ki pyni ia ka India kum ka jingleh shiliang khmat bad ka jingpynbor ia ki jingiathuh khana kiba iadei bad ki jingmyntoi sain pyrthei jong ka Pakistan.Kane kam dei ka jingiakhih kaba pdeng ia ka mariang ne ka neutral environmental advocacy,” la kynnoh u Myntri Rangbah ka Jylla.

Ka SIT ka la kdew ruh ba la kynnoh ba u Sheikh u la pyndam noh ïa ki katto katne ki jingthoh kiba ïadei bad ka India bad ka Assam hadien ba la sdang ka jingtohkit, kaba u Sarma u la khot ia kane “kaba suba jur bha.”

Ka jinglait tuh ha ka liang ka pisa tyngka hapoh ka jingpeit bniah 

Ka SIT ka la bishar bniah ïa ka jingïaid pisa hapdeng ka Lead Pakistan bad ka Lead India ha ka por ba ka Elizabeth Gogoi ka don ka jingïadei bad kane ka network.

U Sarma u la kynnoh ba ka LEAD India ka ïoh pisa na ka Lead Pakistan, ïa ka tulop jong ka Elizabeth Gogoi la siew na ka pisa ba wan na Pakistan katba ka dang sah ha India.

Kum kine ki jingpyniaid kin iakynduh ia ki jingkhang kiba pyrkhing bha katkum ka India’s foreign contribution laws.

La ïathuh ba ka SIT ka la pynpaw ïa kine ki jingpynbeit kum kiba pher bad kiba lah ban pynkheiñ ïa ka rukom ai pisa jong ka India nabar ri, watla ym pat pynbna ïa ki jingshah kynnoh ba pura.

Ki rukom leit jingleit bad ki jingleit jngoh ia ka Pakistan

Ka SIT ka buh jingthoh bin pa bin ïa ki jingleit jingwan kiba bun jong ka Elizabeth Gogoi sha Pakistan, kynthup ïa ka jingleit lyngba ka Attari land route.Ka la kdew ruh ïa ka jingwan jngoh bunsien jong u Ali Tauqeer Sheikh sha India ha katei ka por ba la kdew, kaba la ïathuh ba ka la sangeh noh hadien u snem 2014.

Shuh shuh u Sarma u la kynnoh ba u Sheikh, ha ka jingïakren bad ki paralok, u pynpaw ïa ka jinglong ban pynjah burom ïa ka Indian institutions and culture.

Ka jingleit jngoh u Gaurav Gogoi sha Pakistan ha u snem 2013

U Myntri Rangbah ka Jylla ula buh jingkylli halor ka jingleit jngoh jong u Gaurav Gogoi sha Pakistan ha u bnai Nohprah 2013.Katkum ka jingong u Sarma: U Gogoi u la pynpaw paidbah ba u la leit jngoh ia ka Pakistan namar ba ka kurim jong u ka trei hangtei.

Hynrei ki jinglap jong ka SIT ki pyni ba ka Elizabeth Gogoi ka la wanphai biang sha India ha ka shiteng jong u snem 2012 — jan 21 bnai shwa katei ka jingleit jngoh.

Ia ka visa jong u Gogoi la ai ha kaba nyngkong na ka bynta ka Lahore hynrei hadien la pynjlan sha Islamabad bad Karachi lyngba kaei kaba u Sarma u la batai kum ka shithi ba kyrpang na ka tnad Pakistan’s Interior Ministry.

“Kane ka ai jingmut ia ka jingpynsuk ha ka kyrdan jong ki bor sorkar,” la kynnoh u Sarma.

U la kdew ruh ba hadien ba u la long MP, u Gogoi u la buh ïa ki jingkylli ha ka ïing dorbar thawaiñ kiba ïadei bad ka jingpynkhreh ïada ri, ka jinglah ki shipai, bad ka jingdon ki tiar ki tar kiba kongsan.Haba u kam ba ki MP ki don ka hok ban pynpaw ïa kum kine ki mat, u Sarma u la ong ba “ka por bad ka jinglong” jong ki jingkylli ka donkam ban bishar bniah bha.

Citizenship and Disclosure Questions

Shuh shuh u Myntri Rangbah ka Jylla u la kdew ïa ki jingkynnoh bym ïahap ba la pynpaw da ka SIT ha kaba ïadei bad ki bank account bar ri bad ka jingpynpaw ïa ka jinglong nongshong shnong kaba ïadei bad ka Elizabeth Gogoi.

U la buh jingkylli ruh ïa ka jinglong nongshong shnong ki dkhot jong ka long ïing jong u Gogoi, da kaba wanrah ïa ka jingïanujor ha ka saiñ hima sima bad ka longïing jong u Myntri Rangbahduh barim u Rajiv Gandhi.

La pynkynriah ia ka case sha ka sorkar pdeng

Da kaba kdew ïa ka jingduna jong ka bor jong ki Pulit Assam ban tohkit ïa ki bar ri ne foreign national, ka jingtuid pisa shabar ri, bad ka jingïatreilang hapdeng ki ri, ka kynhun myntri jong ka Assam ka la rai ban pynkynriah ïa kane ka case sha ka Ministry of Home Affairs.

“Ngim shym la tohkit ia u Gaurav Gogoi namar ba u dang dei u Member of Parliament (MP).Lada bthah da ka sorkar pdeng, ngin ai ka jingiatreilang kaba pura.Ka jingkem ha kum kane ka por kan long kaba dang kloi bad kaba don jingmut ha ka sain pyrthei”, la ong u Sarma.

La iathuh ba ka SIT ka la ai jingmut ia ka specific legal provisions ha kaba lah ban pyrkhat ia ka jingleh kaba kham bniah.

Kyntait u Gogoi ia ki jingkynnoh

Haba jubab ïa kitei ki jingkynnoh, u Gaurav Gogoi, ula kyntait ïa katei ka jingïalang bad ki nongthoh khubor, kum kaba “thok” bad kynnoh ïa u Myntri Rangbah ka Jylla, ba u pynleit jingmut ha ki kam saiñpyrthei.

Une u nongialam ka Congress u la pynskhem ba katei ka jingkynnoh ka dei kaba iadei bad ka sain pyrthei.

Ka sorkar Assam ka la ong ba ka la pynslem ban pynpaw paidbah ia ki jinglap kham mynshwa namar ka por kaba jynjar hadien ka jingkhlad noh jong u nongrwai ba pawnam jong ka Assam u Zubeen Garg ha u bnai Nailur hynrei ka la jied ban iaid sha khmat mynta da kaba kdew ia ka jingmyntoi jong ka ri.

Da kaba mynta la buh ban bishar bniah ia kane ka kam da ki central agency, la khmih lynti ba kane ka kam kan nang jur ka jingiakynad kaba khraw ha ka sain pyrthei hapdeng ka BJP bad ka Congress, ha Assam bad kaba lah ban long ha ka kyrdan jong ka ri.