Nongstoiñ, Rymphang 3: Ka Iingkashari u Special Judge (POCSO) kala hukum ban set phatok 10 snem ryngkat ka kuna ba T.50,000 ia u riew bymman ba leh beijot ia ka khynnah 15 snem.
Une u riew bymman u kyrteng u Rakesh Sohbar, uba la shah ujor kat kum ka ejahar bala mudui ha ka 9 tarik Naiwieng, 2019.
Ia kane ka ejahar la mudui ha Shallang Police Station hapoh ka kyndon 5(j)(ii)/6 jong ka POCSO Act bad la tohkit ia ka da ka WPSI Nylla Eulalia Wanniang jong ka Shallang Police Station.
Hadien ba bishar ia ki sakhi satar, ka Iingkasahri Special Judge (POCSO) ha ka 3 tarik Nohprah, kala rai pynrem ia une u nongleh bymman bad hukum ban set phatok ia u haduh 10 snem halor ki kam bymman kiba hap hapoh ka kyndon jong ka POCSO Act.
La ong ba lada um siew ia ka kuna, une u riew un hap ban shong phatok tam sa hynriew bnai.
 kala hukum ban set phatok 10 snem ryngkat ka kuna ba T.50,000 ia u riew bymman ba leh beijot ia ka khynnah 15 snem.){kind=link}