Shillong, Rymphang 03: U MP ka VPP na Shillong Parliamentary Seat Dr Ricky AJ Syngkon u la kyntu ia u Myntri ka tnat Textiles ka Sorkar Pdeng Giriraj Singh ban tuklar bad ban weng ia ki jingbym don bor synshar bad jingduna haka liang ka pule puthi hapoh ka National Institute of Fashion Technology (NIFT) Shillong.
Ha ka dorkhas bala aiti sha u Myntri Sorkar Pdeng, u Dr Ricky u la pynpaw ïa ki jingeh hapoh ka NIFT kynthup ïa ka jingbym don Director, ka jingdym don ki bor ba dei peit iaka skulbah bad ka jingduna ki nonghikai, kiba ktah ïa ka jingai jinghikai.
“Ka jaka pule don nam kum ka NIFT ka donkam ïa ka bor synshar bad ki nongpeit kaba shirta ban pynneh ïa ka pule bad ka jingtreikam kaba paka hapoh ka skulbah” la ong u Dr Ricky haba pynksan ïa ka jingdonkam ïa u Director ba pura bad ban pyndap ïa ki kam ba thylli.
U MP u la kyntu iaka tnat Textiles ka Sorkar Pdeng ban buh hakhmat eh ha ka ban pynbeit ia kane ka kam bad ong “Nga kyrpad ïa ka tnat ban bishar bniah ïa kane ka kam bad shim ïa ki lad pynbeit kiba biang, kynthup ïa ka jingthung ïa u Director ba pura ha NIFT Shillong bad ka jingpyndap iaki kam ba thylli”.
 Shillong.){kind=link}