Shillong, K’Lyngkot 21: Hadien bun sngi jong ka jingkilan met bad jingpyntbit, ka kynhun ialehkai ka Meghalaya kan sdang ïa ka jingïakhun jong ka final round haka lympung 79th Senior Men’s National Football Championship Santosh Trophy 2025-2026 pyrshah iaka Odisha haka 22 tarik Kyllalyngkot ha ka por 2 baje janmiet ha Silapathar Football Stadium jong ka Jylla Assam bad iaka jingialehkai yn pyni live ha ka FIFA+.
Ka Group B ka dei Group kaba khlain tam namar don ka kynhun kaba la jop saw sien bad kawei ka kynhun kaba wan ba ar.
Ka Punjab ka la jop ïa ka Santosh Trophy haduh 8 sien bad ka la long ba ar haduh 8 sien. Ka Kerala ka la jop hynniew sien bad ka wan ba ar Khyndai siej.
Ka Services ka la jop hynniew sien bad ka wan ba ar san sien katba ka Railways ka la jop ia ka lai sien bad ka la long kaba ar hynriew sien bad ka Meghalaya ka la wan ba-ar shisien, katba ka Odisha ka dei tang ma ka ka kynhun kaba khlem poi shaduh ka phainal.
Ka jingjop kaba bha tam jong ka Meghalaya ka long ha u snem 2022-2023 ha kaba ka la shah pynliem noh ha ka Karnataka ha ka phainal.
U coach jong ka Meghalaya ha katei ka por u dei u Bah Khlain Pyrkhat Syiemlieh bad mynta u bat biang iaka kam Coach.
Ka kynhun Meghalaya kam shym la ioh kiew shaka Final Round da kaba suk namar ha u bnai ba la dep ka la shah rem noh ha ka Sikkim da 2-1 kol hashuwa ban pynliem ia ka Arunachal Pradesh da kajuh Goal.
Hynrei kane ka jingjop ka la biang tang ban pynlong ïa ka Meghalaya ban jam shaka Final Round katkum ki kol ba la thep.
Katba ka por pynkhreh shwa ka Prelims ka long kaba duna, ka Meghalaya ka la ioh katto katne taiew ban pynkhreh ia ka Final Round.
Ka jingioh por ba slem iaka Meghalaya kala ailad ïa ka Meghalaya ban ioh biang iaki nongialehkai kiba jah shipor namar ka jingiateh bad ki Club bad kiwei ki daw.
Ki Support Staff ha ryngkat ka jingkyrshan jong kiwei pat ki dkhot ka Meghalaya football Association, ki la lah ban jied ïa ka kynhun kaba ïahap jingmut bad kaba khlaiñ hynrei ka Meghalaya ka hap ban iakhun tyngeh namar ka don haka Group kaba khlain bha.
Ki nongialehkai ka Meghalaya ki tip ba ki ioh ïa ka jingkyrshan kaba pura jong ka Jylla haka jingiaid lynti ban poi shaka thong.
Ki Nongialehkai ka Meghalaya ki kynthup,
Rajat Paul Lyngdoh, Banshanskhem Kharsyntiew, Nister Roy Suting, Wanboklang Lyngkhoi, Apborlang Kurbah, Wilbert D Marbaniang, Iohborlang L Lyngkhoi, Mebanaibok Kharbudnah, Richie Kharbani, Mebankhraw K Wahlang, Rimankhraw Kharumnuid, Riborlang L Lyngkhoi, Babysunday Marngar, Dibormi Kassar, Mebanshngain Kurkalang, Fairming Suting, Robertson M Khongriah, Hardy Cliff Nongbri, Kynsaibor Lhuid, Marbiangki Suchiang, Deibormame Tongper, Dawanchwa C Challam bad ki Support Staff ki kynthup
Khlain Pyrkhat Syiemlieh (Head Coach), Sailon Syngkrem (Assistant Coach), Dious Lapasam (Manager), Wanbokstar Syiemiong (Physio).
Ki program ialehkai ka Meghalaya haka Group Stage ki long
22 Kyllalyngkot vs Odisha, 2pm Silapathar,
24 Kyllalyngkot vs Punjab, 2pm, Dhakuakhana,
26 Kyllalyngkot vs Services, 2pm, Silapathar,
29 Kyllalyngkot vs Kerala, 2pm, Silapathar,
31 Kyllalyngkot vs Railways, 9am.
