Shillong, Nailur 21 : Ki Pulit ka Nongmensong Outpost, hynne ka step sngi Balang kila ioh ban kem ia uwei u nongtuh battery kali, uba donkti ha kiba bun ki kam tuh na kylleng ki jaka ka nongbah Shillong.
Ia une u runar la ioh kem na ka jingpynap shrip halor ka jingtip ban don kawei ka taxi kamai kaba kit ia ki mar tuh.
Kane ka taxi kamai ka don u nombor ML05-E-6607 bad na kane ka kali, la ioh ban kurup ia 4 tylli ki battery kali kiba la tuh na ki saw tylli ki kali ba pynieng ha Last Stop, Laban.
Ia kane ka case la register ha Laban Police Station bad ka jingtohkit mynta kala iaid shakhmat.
