Shillong K’lyngkot 16: Ki pulit ha ka sngi Thohdieng kila ioh ban kem ia u runar uba donkti ban thombor da kaba bom da u nar rod na khlieh bad lute ia kawei ka longkmie ba 42 snem, kaba sah ha Upper Lachumiere, Shillong.
Une u runar u kyrteng u Navin Sunar ba 43 snem, ong u Superintendent of Police ka East Khasi Hills Bah Vivek Syiem haba pyntip ba ia une u runar la ioh kem da ki Pulit ka Pastuer Beat House na Boucher Road.
Kat kum ka jingong jong u, la pyntip ba ha ka 14 tarik u Kyllalyngkot, ki pulit kila ioh pdiang ia ka ejahar ba uwei u briew u bym lah ban ithuh ula leit rung jubor ha ka iingsah jong ka Devi Basumatary, kaba shong basah ha Upper Lachumiere, Shillong ha ka por kumba 2 baje mynsngi jong ka 13 tarik Kyllalyngkot.
U SP uong, haba ka Devi kala iohi ia une u briew hapoh ka kamra ka jongka, kala pyrshang ban khang kut ia u hapoh kamra, hynrei une u briew ula bom da u nar rod na khlieh bad ka byrngem ban shim ia ka jingim.
Hadien kane ula rah ia ka bek kaba don ia ka mobile phone bad ka pisa bad phet krad syndon na katei ka ïing.
Ka Devi Basumatry kala mynsaw ha katei ka jingjia bad la pynkit noh ia ka sha hospital ban ioh ia ka jingsumar.
Ia u Navin Sunar la pynngat case hapoh ka Laitumkhrah Police Station hapoh ka kyndon 331(7)/304(2)/351(3)/127(2) BNS 2023.
