Agartala, Nailur 21 :Ha kawei na ka jingjia kaba sngewtriem kaba la jia ha Tripura, kawei ka tymmen kaba lah 90 snem rta kala shah pyniap noh ha la u jong u khun ksiew hadien ba kala mih ka jingiakynad haiing hasem.
Kane ka jingjia kala jia ha ki bynta jong ka Bhangamura kaba hap hapoh Chailengta police station jong ka Dhalai district ka Tripura.Ia une u briew uba la shah kynnoh donkti ha katei ka kam pyniap la tip kyrteng kum u Samir Sarkar 32 snem rta.
Ki tyllong khubor pulit ka Tripura kila iathuh ba hapdeng ka jingbitar une u briew ula bom tyngeh da u dieng kaba la wanrah ia ka jingiap hashen jong kane ka tymmen. Ym tang katta une u briew la kynnoh ruh ba ula thombor ruh ia kiwei pat ki dkhot ka longiing hashwa ba un phet krad noh na la iing.
Khyndiat por hadien jong kane ka jingjia, na ka liang ka iing ka seng kala leit ban ujor shapoh Chailengta police station.Tang hapoh ka 12 kynta na ka liang ki bor pulit kila ioh ban kem noh ia une u briew uba la shah kynnoh donkti.
