Nongpoh, Kyllalyngkot 07: Ka Ri Bhoi Tourism and Environmental Development Forum (RBTEDF) ha ka sngi Balang, ka la mih shakhmat ban buh ia ka jingmaham kaba tyngeh pyrshah ia kino kino ki briew kiba pynjulor ne thang pathar ia ki khlaw ki btap bad ia kito kiba pyniap pathar ia ki mrad ki mreng bad ki dohum.
Haba kren sha ki Lad Pathai Khubor, u Bah Plielad Tiewsoh, Chairman ka RBTEDF, u la ong, ka daw ba ka kynhun ka hap ban pynmih ia kane ka jingmaham ka dei namar ka aiom tyrkhong kala jan poi ha kaba ki riewshimkabu ki bym don ka jingkitkhlieh, kiba ju thang pathar ia ki khlaw ki btap kaba ju wanrah ruh ia ka jingjulor jong ki jingthung jingtep bad wat ia ki kynbat dawai bad terter.
U la ong ruh, ba ym tang ka jingthang khlaw kaba wanrah ia ka jingjot jong ka mei mariang, hynrei ki don ruh ki riew shimkabu kiba ju pyniap pathar ia ki mrad ki mreng kiba im ha ki khlaw ki btap bad ruh ka jingwieh dawai, ka jingthang bom ha ki wah kaba ju wanrah ia ka jingiap pathar jong ki dohum kaba la donkam kyrkieh ban pyrkhing da kaba tyngeh.
Ka RBTEDF, ka wer ia ki nongialam Shnong bapher bapher, ki kynhun sengbhalang, ki Synjuk bad nongshong shnong ka them Ri Bhoi District ban iatreilang ha ka ban peitngor ia kum kine ki riew shimkabu kiba ju mlien ban pynjot ia ka mariang bad ka jingpyniap pathar ia ki mrad da kaba pyntip sha ki bor jong ka Wildlife bad tnad Forest khnang ba kin lah ban leh eiei ia kine ki briew kat kum ka ain.
Kala pynpaw ruh ba kum ka kynhun kan peitngor bha bad lada lap kin pynngat beit ha ki bor jong ka aiñ.
 ha ka sngi Balang, ka la mih shakhmat ban buh ia ka jingmaham kaba tyngeh pyrshah ia kino kino ki briew kiba pynjulor ne thang pathar ia ki khlaw ki btap bad ia kito kiba pyniap pathar ia ki mrad ki mreng bad ki dohum.){kind=link}