Shillong, Nohprah 29 : Ka Ministry of Textiles ka Sorkar India, kala ai ia ka Geographical Indication (GI) tag ne shap ia ka jain Ryndia jong ka Meghakaya kum kawei na ka jingjop bad ka khana jop jong ka kam thain jain (Textiles sector) ka ri India ha u snem 2025.
Ka jingpynbna ia ka “Year of Textile Reforms” ha kane ka samoi la sakhi ia ka jingiar jongka jong ka jain ryndia bad ka kam thain jain hapoh ka ri India.
Ka ri India kala bat biang ia ka kyrdan kum kaba wan baar ha ka pyrthei ban pynmih ia ka ryndia ryngkat bad ka jingkiew kaba biang bha. Ka jingpynmih ia u ksai ryndia kala kiew na ka 41,121 metric ton ha u snem 2024–25, ka jingkiew kaba 55 per cent na ka 26,480 metric ton ha u snem 2013–14. Ka jingpynmih ia ka ryndia kala nang kiew sha ka 16.75 per cent, ka jingkiew na ka 96 kg ha ka shi hektar sha ka 112 kg shi hektar ha katei kajuh ka samoi.
Ka dor jongu Mulberry cocoon me sop niang ryndia kala kiew bha kaba la kiew sha ka 46 percent na ka T. 384 shi kg ha u 2013–14 sha ka T. 560 sho kg ha u 2024–25.
Ka jingaikam aijam ha ka Sericulture Sector kala iar bha bad kiew da 23.95 per cent na ka 78 lak ngut ki briew ha u 2013–14 sha ka 98 lak ngut ki briew ha u snem 2024–25. Kane ka shnad kala bteng ban leh ia ka bynta kaba khraw ha kaban pynneh pynsah ia ka kamai kajih ha nongkyndong bad ban kyntiew ia ka jingiashimbynta ki kynthei ha ka kamai kajih.
Ka jingioh jingithuh GI ka Meghalaya’s Eri silk, Ryndia, kala kylla long kum ka mawjam jong ka jingroi, kaba lam sha ka jingkiew ka ioh kamai na ka bynta ki npngrep ia u niang ryndia, ka lad aikam ha nongkyndong, kyntiew shuh shuh ka jingiashimbynta lang ki kynthei, ka jingleh kaba long thymmai katkum ka jingioh ia ka GI-based branding, bad ka jingkyntiew ia ka jingpynmih ryndia kaba iadei bad ka mariang bad kaba iai neh.
Kane ka jingioh jingithuh na ka Sorkar India ka pyni ia ka jingshim ia ka jingkitkhlieh ban iada ia ka kam pynmih ia ki jain tynrai bad ban pynkup bor ia ka thain nongkyndong bad ban pynkhlain ia ka ri india ban ha ka kyrdan ha ka pyrthei ha kaba iadei bad ka karkhana pynmih jain bad ryndia..
 tag ne shap ia ka jain Ryndia jong ka Meghakaya kum kawei na ka jingjop bad ka khana jop jong ka kam thain jain (Textiles sector) ka ri India ha u snem 2025.){kind=link}