Shillong, Nohprah 11 : Ka Iingkashari District kala pynngat ia u Wanbha Bhoi jong ka shnong Mukroh ban shong phatok haduh 10 snem namar ka jingleh beijot ia kawei ka kynthei ha ka iingsah jong ka ha u snem 2018.
Ka Iingkashari District & Session Judge ka Jowai, kala pynngat ruh ia une u runar ban siew ia ka kuna ba T.5000 namar ki kam kiba hap ha ka jingpynsajia kat kum ka kyndon 376 (1) IPC nalor ka jingshong phatok sa 2 snem bad ka kuna ba T.1000 namar ka jingbyrngem byrsit kiba hap hapoh ka kyndon 506 IPC.
Ia kane ka case la register halor ka ejahar bala mudui da kane ka lanot ha ka 8 tarik Risaw, 2018, kaba kynnoh ba u Bhoi ula leh beijot ia ka ha ka iingsah jong ka ha ka miet 7 tarik Risaw, 2018 bad byrngem ruh ban pyniap ia ka lada ka pyntip briew ia kane ka kam ba u leh.
