Shillong, Nohprah 11: U Myntri Rangbah ka Jylla u Conrad K Sangma hynne ka sngi u la plie ia ka kor Solar Panel bala pyndait lyngba ka jingkyrshan naka CM Solar Mission ha ka ophis treikam ka Meghalaya State Pollution Control Board (MSPCB) Shillong.
Haba kren bad ki lad pathai khubor, u Conrad u la ong “Ngi kwah ban pynthikna ba baroh ki ophis Sorkar, ki iing, ki skul, bad ki jaka sumar kin pyndonkam noh ia ka bording kaba khuid lane ka bording ba ioh naka sngi lyngba ki Solar Panel”.
Ka CM Solar Mission ka dei ka jingthmu ban pynbiang bording ba khuid ba pyndonkam da ka sngi kynthup ka jingpy nbiang ia ki Solar Panel, ki Inverter, bad ki Battery, ban kynshew ia ka bording na ka bynta ban pyndonkam katkum ka jingdonkam.
U Myntri Rangbah u la pynpaw ia ka jingsngewkmen halor ka jingsdang ia kane ka projek, da kaba ong, “Nga sngewkmen ba mynta ka sngi ha ka ophis jong ka MSPCB hangne ha Shillong, ngi dang shu plie ia kane bad nga kyrmen ba kane kan kyrshan ia ka jingdonkam bording ha kane ka ophis”.
U ai ka jingïaroh ruh ïa ka MSPCB kaba la ïalam da ka nuksa, haba ong, “Kaba kham kongsan ka long ba kan phah ïa ka khubor kaba bha ba ka MSPCB ka ïalam da ka nuksa ban pynthikna ba ka jingpyndonkam ïa ka bording kaba khuid bad ban pynshlur ïa kiwei ban leh kumjuh”.
 Shillong.){kind=link}