Shillong, Nohprah 11 : Uwei u nong Ghana ba 35 snem, William Addo Agyei, ula sha kem ha ki Pulit ka West Jaintia Hills namar ka jingwan shang da ka kyrteng thok.
Kat kum ka jingong u SP ka WJH, Jagpal Singh, une u briew ula kam nyngkong ba u kyrteng u Stanley Obayendo hynrei haba la pynlong ia ka jingtohkit bha, ula phla ia ka kyrteng ba shisha jong u.
U Agyei, uba dei na ka shnong Kumasi Accra, Ghana, ula wan rung sha India da ka medical visa ha u bnai Jylliew 2025, kaba la kut noh hadien lai bnai. Watla ula aplai ban pynjlan biang ia ka por, ka Ophis Foreigners Regional Registration (FRRO) kam shym la ai jubab satia sha u.
Dang shen, ula ioh email na ka FRRO ba bthah ia u ban leit sha ka Ophis ka FRRO lane sha ka Banaswadi Police Station ha Bengaluru, Karnataka.
Une u briew u khlem leh satia ia kaei kaba bthah bad ula pan jingiarap na uwei u briew ba kyrteng u Frank, uba la pynbeit ia u ban jam sha Bangladesh lyngba ka Meghalaya.
Hynrei, ula shah bat noh ha ki nongshongshnong ka Nongtalang bad hadien la kem noh da ki Pulit.
Ki Pulit kila register case pyrshah ia ua Agyei namar ka jingshang da ka kyrteng thok.
