Shillong, Nohprah 03: Ka Meghalaya kala pynliem da 348 ron ia ka Arunachal Pradesh ha kasngi ba lai jong ka jingiakhun ha ka U-19 Men’s Cooch Behar Trophy 2025-26, kaba long ha madan ialehkai kriket ka MCA, ha Polo.
Ban shu phai dien, ka Meghalaya ha ka pali ba nyngkong ka la lah ba kan kamai 205 ron, bad ka Arunachal ka la lah ba kan kamai tang 136 ron, bad ha ka pali kaba ar, ka Meghalaya ka la lah ba kan kamai haduh 369 ron, bad ban buh kylla ia ka thong pyrshah ia ka Arunachal haduh 439 ron.
Ka pali wan tied kaba ar ka Meghalaya ka long ba u Angkit Tamang u la lah ban kamai satang 10 ron na kaei kaba u la lah ban kamai hynnin ka sngi ha kaba u la run out hadien ba u la lah ban kamai 97 ron.
Wat la katta kiba bun na ki nongialehkai ka Meghalaya ki la lah ban pyndonkam ia ka kabu ba ki ioh na ka madan iakhun, ha kaba kiwei pat ki rang ialehkai kum ki jong u Heiyoomiki Ryngkhlem (32 na ki 26 balls) bad Mewankitbok Kharpuri (27 na ki 16), ki la seng ia ka nongrim kamai kaba 50 ron na ka bynta ka wiket kaba phra, bad kaban pynblong ia ka Meghalaya ba kan jam ia ka saw spah ron.
Kane ka thong ba ka Meghalaya ka la lah ba kan buh, ka kylla long kum ka thong bah ka thong san ia ka kynhun jong ka Arunachal ba kan lah ba kan kynjoh ia ka bad hapdeng ka jingshah tynjuh bor bah, 10 tylli ki wiket ki la lap ba hap lut noh tang hapoh ka 31 over.
Ki nongkawang bol ba la paw bha ia ka Meghalaya ki kynthup ia u Apandanka Marak (3/2) Gaurav Narleng (1/21), Angkit (2/18.) Mewankitbok Kharpuri (4/18) bad ha kaba kut jong baroh ki pali jingiakhun, u Mewankitbok u la ioh ban khur (7/49) na kane ka jingiakhun.
Da kane ka jingjop, ka Meghalaya kan bteng ba kan sah ha la iing bad kan ap pat ia ka jingwan ban iakhun ka Nagaland kaban sdang naduh ka 8 tarik mynta u bnai.
