Aizawl, Nailur 18: Ki pulit ka Mizoram hynne ka sngi U Blei kila ioh ban kurup ia ki jait mrad kiba kham phylla napoh ka jaka ap pahara ha Thauisenphai ka ba hap hapoh Thawzawl Police Station, Churachandpur, Mizoram.
Ia kine ki mrad ba la suba khaii beain napoh Myanmar la ioh ban kurup na kawei ka kali ha ka ba la kem noh ruh ia arngut ki briew ia kiba la tip kyrteng kum u Vanlalrosiama, 25 bad u C. Liankunga, 52 snem rta, baroh arngut kiba dei na Champhai District.
Kine ki mrad ba phylla ba la ioh kurup ki kynthup ia ki kynja shrieh ba la tip kum ki Spider Monkey (kata ka kmie bad i khun) bad iwei i Indri Lemur.
Ia kine ki jait mrad kiba la jan duhjait kumjuh ia ka kali ba la ioh kurup la aiti noh sha ka tnat custom ban leh ia ka ba donkam.
