-->

Ioh ka Meghalaya T.500 klur ban pynpoi bording sha ki Shnong ba dang shong dum

Date:

Share post:

Shillong, Naiwieng 26 : U Myntri Rangbah ka Jylla Conrad K Sangma ha ka sngi Balang ula pynbna ia ka jingjop ba khraw ha ka kam sam bording ha Jylla, naba ka Sorkar Pdeng kala mynjur ia ka song pisa ba T.500 klur ha kaban pynpoi bording elektrik sha ki shnong bad ki longiing ba dang shong dum hapoh ka Revamped Distribution Sector Scheme (RDSS).

“Nga la leit iakren ia ka Sorkar India ha u 2022 ba kito ki Shnong bad ki Longiing, kila shah ieh bad kim shym la shah kynthut ha ka khana samari ha katei ka por bad nga sngewtynnad ban pyntip sha phi ba ka Sorkar India kala mynjur bad ai ia ka mang tyngka ba jan kot T.500 klur ban pynpoi bording noh sha ki” ong u Conrad haba iakren bad ki nongthoh khubor hadien ka jingialang ka Kynhun Myntri.

Kat kum ka jingong jong u, kane kan pyndap ia ki jingduna kiba mih na ka khana samari u snem 2011, kaban kdup ia ki longiing ba dang thymmai kibym shym la kynthup ha ka jinglum khana samari ha ki snem balah leit.

“Ha ki snem bala leit, ki don ki skhim bapher bapher ka Sorkar ia kaba ki longiing bapher bapher bad ki shnong bapher bapher kila ioh bording hynrei ia baroh kine ki jingpynpoi bording la pynshong nong rim n aka thup bala lum bad ka khana samari, kaba la slem bha, kaba dei jong u snem 2011. Kat kum kane ka samari, kiba bun ki shnong kila ioh bording hynrei ki shnong thymmai bad ki iing thymmai ba mih hadien kila shah ieh” ula ong.

Share post:

-->
spot_img

Popular

More like this
Related

Jan 4500 ki nong mareh na ki 30 Jylla ba iashimbynta ha ka Assam Rifle Half Marathon ha Shillong

Shillong, Naiwieng 22 : Jan kumba 4,500 ngut ki...

Sospon ka Tnad Pulit ia u constable ba khrong pisa na ki trok

Shillong, Naiwieng 22 : Ka Tnad Pulit kala sospon...

BJP distances itself from Marak’s RTI on Gospel Fest funding, says move was in personal capacity

SHILLONG, NOV 21: The state Bharatiya Janata Party on...

Meghalaya bans movement of uncovered, overloaded hay trucks in Shillong

Shillong, November 21: The East Khasi Hills district administration...