Shillong, Naiwieng 23 : U President ka Meghalaya Pradesh Congress Committee Bah Vincent H Pala ula kynthoh jur ba ka Voice of the People Party (VPP) kala pyni ia ka nongrim ba ‘khlieh khlieh tdong tdong (contradictory) halor ka kam ki Nongtrei Casual, haba buh jingkylli ia ka jinglah ban shaniah ia kane ka party halor ki jingkular aikam aijam.
“Ka VPP kala kren halor ka jingkyntait ka Sorkar Jylla ban thungkam pura ia ki nongtrei Casual, hynrei ma ki hi kiba pynduh ia kane ka juh ka policy ha KHADC, da kaba pynksan ia kaei kaba ki leh. Kane ka pyni shai ia ka jinglong khlieh khlieh tdong tdong-lehse ka jingleh bakla na ka jingbym pat shemphang ia ka kam, hynrei kaba kham pynkhuslai, ka jingkuklar thok ia ki nongthep vote ia kiba la pynngeit ba kin khmih lynti ban iohkam hapoh ka jingsynshar ka VPP” kynthoh u Bah Pala.
“Ki paidbah kila shah pynbiej namar kila shah pynngeit ba hadien ba ka VPP ka wan ha ka bor, kin sa iohkam” ula bynrap.
U Bah Pala ula kren ruh halor ki jingeh ban ioh song pisa bala mad da ka Khasi Hills Autonomous District Council (KHADC) hapoh ka jingsynshar ka VPP bad ong “Mynshuwa ka KHADC ka ju sakhi ia ka jingwan kyrhai ka pisa hynrei ia mynta kam long satia kumta namar kim ioh song pisa satia”.
“Ban ioh song pisa, phi hap trei shitom, pynkhreh ia ki jingtyrwa project bapher bapher bad aiti ia ki sha ka SorkarPdeng bad Sorkar Jylla. Ka Sorkar Jylla ka pyllait ia ka song pisa kat kum ki project ba tyrwa bad ki jingai jingmut jong ka Finance Commission kaba sdang naduh ka 13th Finance Commisson” ong u Bah Pala.
Haba ban jur ia ka jingdonkam ban shimkhia ia ki lad ki lynti kiba don, u Bah Pala ula ong “Haba phi leit pynsngew ia ka jingdonkam pisa jong phi hakhmat ka Finance Commission, phi donkam ia ki riew shemphang ba kin pynkhreh ia ka jingmang tyngka bad ban pynshisha balei ba phi donkam pisa. Ki don ki project ha ADC ki ban iada ia ki tyllong um, ka mariang, ka kolshor, ka museum-ki donkam ban don ki jingtyrwa, ym ban shu shong bad shu ap”.
 kala pyni ia ka nongrim ba ‘khlieh khlieh tdong tdong (contradictory) halor ka kam ki Nongtrei Casual, haba buh jingkylli ia ka jinglah ban shaniah ia kane ka party halor ki jingkular aikam aijam.){kind=link}