Boko, Naiwieng 9: Kyndit kynsan mih ar tylli ka jingklumar ba shyrkhei bha ha ka thain Chamaria LAC ha ka sngi Saitjain, kaba pynpaw ia ka jinglong ba sniew kaba mih ka jingklumar tang namar ki mar ki mata ha kane ka dong ka thain.
Kane ka jingjia kala jia kaba nyngkong ka la jia ha ka shnong Achalpara kaba hap hapoh ka Jorshimuli Police outpost bad kawei pat ka jingjia kala jia ha ka shnong Kathalguri Char kaba hap hapoh jong ka Chamaria constituency, kaba la pynlong ia kiba bun ki kynthei bad shynrang ban mynsaw jur bad kane kala wanrah ia ka jingklumar ba jur bha ha ka sngi u Blei ha katei ka shnong.
Katkum ki khubor napoh ka shnong Achalpara, la iathuh ba ka jingïakynad hapdeng ki shi para kala mih namar ka jingphiah ne ia bynta ïa ka jaka jong ki kpa tymmen ka la kylla long ban mih kane ka jingïakynad.
Ka jingklumar kaba la mih, kadei ia ka jingdonkti jong u Miyan Chan Ali, u elderly Basher Ali, bad ka para jong ki ka Shukurjan Nessa.
Ki nongsakhi, ki la ïathuh ba ha kaba nyngkong kala don ka jingia mai kaba jur bha bad hadien kane kala mih pat sa ka jingjrong kti bad ia shoh ia dat, ha kaba u Basher Ali, u Manik Ali, u Azmal Haque, bad kiwei kiwei ki la mynsaw jur.
Ia baroh ki lanot la rah noh sha ka Goraimari Community Health Centre, wat lada ka jinglong jingman jong u Azmal Haque ka dang long kaba jur bha , ia kaba la pynlong ban rah noh ia u sha Gauhati Medical College and Hospital (GMCH) ban shah sumar.
Ki Pulit jong ka Jorshimuli Outpost kila registers case la ka jong ka ejahar bad la kular ba ka jingtohkit kala iaid sha khmat.
Ha kajuh ka por, ha Kathalguri Char, khat saw ngut ki briew kila mynsaw hadien ba la mih ka jingklumar tang namar ka jingkam trai ia ka jaka ha char.
Ki tyllong khubor na ka thain ki la kynnoh ba ki nongialam kiba donbor ki la die thok ia ki bynta jong ka jaka char sha ki briew kiba nabar, kaba la pynduh ia ki trai jaka ba shisha.
Kane ka jingïakynad ka la mih hapdeng ki kynhun ba la ïalam da u Amir Chan Ali bad u Sadeq Ali, kine baroh arngut ki kam trai ïa katei ka jaka.Ki tiar pyn mynsaw kiba la pyndonkam ha katei ka jingia kynad ki kynthup ia ki dieng ki siej ban iakhun pyrshah.
Napdeng ki briew kiba la mynsaw ki kynthup ia u Rukia Begum (35), u Rajab Ali (54), u Farizul Haque (37), u Ayamna Khatun (60), u Jainuddin (70) bad kiwei kiwei de.
Ia u wei ba la mynsaw jur la pynkit noh sha GMCH ban ioh ia ka jingshah sumar.
Baroh ar ki jingjia ki pynpaw ia ka rukom kaba ju jia man ka por jong ka thain, ki jingialeh bym pat lah ban pynbeit halor ki jaka jong ki kpa tymmen bad ka jaka char ki ju nangkiew sha ki jingialeh pyrshah kiba jur, kiba buh jingma ia ka jingsuk shong sain.
Ka jingdon jong ki briew kiba la mynsaw jur na baroh ar tylli ki jingiaklumar ka la pynmih ia ka jingsyier ha ki nongshong shnong ha kane ka dong ka thain.
Ki paidbah nongshong shnong ki la kyntu ban shim khia mardor ia ka bor ba dei khmih ban ialeh katba lah ban wanrah biang ia ka shong suk shong sain bad ban pynthikna ia ka hok na ka bynta ki trai jaka kiba dei hok.
Ki bor ba dei khmih ki la pynthikna ba ka jingtohkit kan dang bteng bad yn shim ia ki sienjam kiba biang pyrshah ia kito kiba donkti.
