Shillong, Risaw 17 : Ka long ka jingsarong bad ka khyllipmat ban sah khana ia ka Jylla, ba 10 tylli ki jaka sumar ha Meghalaya kila ioh pdiang ia ka syrnod National Quality Assurance Standard (NQAS).
Kat kum ka jingong ka Director of Health Services (MI), kane ka jingjop ka dei ka jingai sakhi ia ka jingiatreilang kum ka kynhun, ka jingaiti lut bad ka jinglong nongialam kaba don ia ka thong da ki nongtrei ka koit ka khiah bad ki Ophisar ba iadon bynta lang.
Kine ki jaka sumar ki kynthup ia ka Ganesh Das MCH Hospital, Shillong, Marngar PHC (Ri-Bhoi District), Siju PHC (South Garo Hills District), Nongalbibra PHC (South Garo Hills District), Pomlum PHC (East Khasi Hills District); Asananggre PHC (West Garo Hills District); Babadam PHC (West Garo Hills District), Wagesi PHC (North Garo Hills District), Salmanpara PHC (South West Garo Hills District), bad Gabil PHC (North Garo Hills District).
Nalor kane, 91 tylli ki SC HWCs (AAM) ba don ha kylleng ka Jylla kila ioh ia ka syrnot NQAS katba ka Pastuer’s Institute-Central Laboratory bad ka State Foot Testing Laboratory kila ioh kham hashuwa ia ka NABL Accreditation, kaba nang pyni shuh shuh ia ka jingaiti lut ka Meghalaya ban kyntiew ia ka kyrdan ha ka liang ai jingsumar, jingshakri ki laboratory bad ka koit ka khiah ha ka imlang sahlang.
.){kind=link}