Shillong, Nailur 08 : Ka Iingkashari Special Judge (POCSO) ka East Jaintia Hills, kala hukum ban set phatok shirta jingim ia u briew uba leh beijot ia ka khynnah.
Une u runar u kyrteng u Shap Lamurong, ong u Superintendent of Police ka East Jaintia Hills ha ka kyrwoh bala pynlait ha ka sngi Ba-ar.
U iathuh ba ia une u runar la register case ha Khliehriat Women PS kat kum ka Case No. 3(02)2024 hapoh ki kyndon ka POCSO Act. Ia ka jingtohkit la khlieh da ka WPSI L Siangshai.
Hadien ka jingtohkit, ia une u runar la kem bad la aiti ia ka chargesheet ha ka 12 tarik Iaiong 2024.
Ka Iingkashari kala shem ba u leh ia kane ka kam kaba hap hapoh ka kyndon 5(j)/5(m)/5(n)/6/9(n)/10 jong ka POCSO Act bad hukum ban set phatok shirta jingim lem bad ka kuna ba T.50,000 nalor ka shong phatok sa 7 snem bad ka kuna ba T.25,000.
Ia kane ka hukum la pynmih ha ka 24 tarik Nailar, 2026.
