Guwahati, Risaw 14: U Myntri ka tnat Electronics and Information Technology ka Sorkar Pdeng Ashwini Vaishnaw u la tyrwa ban thaw ia ka Vizag-Sittwe link (Myanmar) ban pynkhlain ia ka jingpyniasoh digital ha ki Jylla ka thain Shatei Lam Mihngi (North East) haba pynpaw ia ka jingdonkam ban pynbha ia ka network RailTel.
Une u Myntri ka Sorkar Pdeng u la kren ia kane ha ka jingialang Bharat AI Shakti, kaba dei ka jingïalang kaba la pynlong da ka Google ha shwa ba kan ïashim bynta ha ka jingialang India AI Summit kaban sa long shen.
U Myntri u la pynpaw ïa ki jingshakri jong ka AI kum ka bynta ba kongsan kaba dang kiew ha ka ïoh ka kot lyngba ki kor digital jong ka India, da kaba kyntu ïa ka Google ba kan pyndonkam ïa ka lad ki lynti ban kyntiew ia ki sap bad ka jingthaw kam thaw jam.
U la pdiang sngewbha ïa ki TPU jong ka Google ban ïakhun bad ki GPU jong ka Nvidia kum shi bynta jong ki jingtei ba ïadei lang ha ka jingkheiñ jingdiah hapoh ka India AI Mission.
Ula pynpaw ruh ba ka AI Hub kan kyntiew bha ïa ki thong jong ka India AI Mission, da kaba pynksan ïa ka jingdonkam ban pyntbit ïa ki nongtrei IT ha ka rukom kaba heh hapdeng ki jingkylla ba sted ba la pynlong da ka AI.
 ban pynkhlain ia ka jingpyniasoh digital ha ki Jylla ka thain Shatei Lam Mihngi (North East) haba pynpaw ia ka jingdonkam ban pynbha ia ka network RailTel.){kind=link}