Guwahati, Nailur 26: Ka Special Investigation Team (SIT) jong ki pulit Assam kala khot hajir ia u Shyamkanu Mahanta bad ia u Siddhartha Sarma ba kin ia snohkti lang ha ka jingtohkit ba10 sngi.
Katkum ka tyllong khubor, ka SIT kala summons ia u Shyamkanu Mahanta bad ia u Siddhartha Sarma ban ia snohkti lang ha ka jingtohkit kaba hapoh 10 sngi.Ka SIT ha ka sngi Thohdieng kala pynlong ia ka jingkhynra ha ka iing sah jong u Shyamkanu Mahanta ha ka sien kaba ar.
U Mahanta u dei u Chief Organiser jong ka North East India festival ha Singapore.
Ka case la register pyrshah ia u Mahanta hapoh ka kyndon Sections 61(2), 105, and 106(1) jong ka Bharatiya Nyaya Sanhita (BNS), 2023, ha kaba iadei bad ka jingkhlad noh u nongrwai ba pawnam bha.
Na ka liang jong ka SIT ka khmih lynti ba kin bteng ban kylli jingkylli ia u Mahanta ha kine ki khyndiat sngi ki ban wan.Ha kajuh por, ki jingïakhih ha kylleng ka Assam ki la nang jur, ha kaba ki la dawa ban kem mardor bad ban pynlong ïa ka jingtohkit kaba shai halor ka jingkhlad noh u Zubeen Garg.
Kane ka sienjam kala wan hadien ba u Myntri Rangbah ka jylla Assam u Himanta Biswa Sarma u la kular ia ki paidbah jong ka jylla, ba ym don uwei ruh u briew uba lait im ha ka jingtohkit halor ka jingkhlad khlem dei por jong u Garg.
Hadien ka jingkhlad ba sngewsih jong u nongrwai ka Assam u Zubeen Garg ha Singapore, la ujor bun tylli ki ejahar pyrshah ïa u Syamkanu Mahanta uba dei u chief organiser ka North East India Festival bad u Sidharth Sarma uba dei u manager jong une u nongrwai.
U Myntri Rangbah ka jylla Assam u Himanta Biswa Sarma ha ka sngi Palei u la ong ba ka Programme jong u cultural entrepreneur u Shyamkanu Mahanta kam don jingiadei eiei ruh em bad ka kolshor ki Assamese, bad kumta ka sorkar jylla ka la rai ban nym ai kano kano ka jingkyrshan pisa sha ki.
“Ki prokram jong u Shyamkanu Mahanta kim don jingiadei bad ka kolshor ki Assamese, bad dei na kata ka daw ba ngam ju leit sha ki, shisien nga la leit sha ka prokram jong u ha Judges Field, hynrei hadien ba mih ka jingthut na ki paidbah, nga la mih noh mardor” ong u Sarma haba kren ha ki nongthoh khubor.
U myntri rangbah u la bynrap ba u la leit tang shisien, ha ka por ba u don ha ka kam sain pyrthei, sha Delhi ban iashim bynta ha ka prokram jong u Mahanta. “Ngam ju pynshlur ia u ne ia ki prokram jong u namar ba kim iadei bad ka kolshor jong ki nong Assam, ka sorkar jylla ka la rai ba yn nym bei pisa ia u”, la ong u Sarma.
 jong ki pulit Assam kala khot hajir ia u Shyamkanu Mahanta bad ia u Siddhartha Sarma ba kin ia snohkti lang ha ka jingtohkit ba10 sngi.){kind=link}