Shillong, Jylliew 14 : U Myntri ka Ministry of Road Transport and Highway (MoRTH) yn pynlait paidbah ia hynriew tylli ki project surok ba kongsan, ba shongdor T.3214 klur ha Meghalaya lashai ka sngi Nyngkong ha ka jingialang jong ka North East India Infrastructure Summit & Exhibition (NEIINFRA-2026), ka ban dei kawei na ki project ba hehduh ban ioh da ka Sorkar ha ki snem bala leit.
Ki project ki kynthup ia 4 tylli ki kam hapoh ki National Highway ba thymmai bad ka jingpynhreh ia artylli ki Highway bala don lypa, kiba thmu ban nang pynbha ia ka jingpyniasoh, pynduna ia ka por leit por wan bad pynkhlain ia ka lad pyniasoh ha ka khaii ka pateng ha kylleng ka Jylla Meghalaya.
U Myntri Rangbah ka Jylla Conrad K Sangma ula pynbna ba ia u mawnongrim yn sa buh na ka bynta kine ki project ha ka summit, haba pynpaw ia kane ka jingkynshew kum ka sienjam kaba khraw ha kaban pyntyllun sted ia ka roi ka par bad ka jingkiew shakhmat jong ka Jylla.
Exciting day tomorrow as we lay foundations for 4 new National Highway Projects and upgradation of 2 existing National Highways for Meghalaya with an investment of ₹3214 Crore at the North East Infrastructure Summit in New Shillong, graced by Hon’ble Union Minister for… pic.twitter.com/OwBRvp1Q6N
— Conrad K Sangma (@SangmaConrad) June 14, 2026
Ki project ki kynthup ia ka Tura Bypass ba T.951 klur, ka jingkieng Dhubri-Phulbari jong ka Highway Selsella ba T. 737 klur, ka surok Pynursla Bypass ba T.564 klur bad ka surok Selsella-Goeragre ba T.504 klur. Ki jingpynheh pat ki kynthup ia ka surok Shillong-Dawki bad ka Jowai Bypass.
Kane ka jingpynbna ia kine ki project kala mih ha ka por ba ka Meghalaya kan pynlong ia ka North East India Infrastructure Summit & Exhibition 2026 (NEIINFRA 2026) ha ka 15-16 tarik u Jylliew, ka jingialang kaba la khmih lynti ba kan wanrah lang ia ki nongthaw policy, ki nongkynshew kam, ki kompani ba pyntrei ia ki jingtei, ki nongbei tyngka bad ki kompani technology na kylleng ka ri India.
Ia kane ka NEEINFRA yn plie da u Nitin Gadkari kum u kongsan bad u Myntri Rangbah ka Jylla Conrad K Sangma ruh un iadonlang ha kane ka summit.
Kane ka summit ba arsngi kan wanlam lang ia ki Ophisar na ki phra tylli ki Ministry ka Sorkar Pdeng, ki Myntri Rangbah bad ki Heh Ophisar na Meghalaya, Assam, Manipur, Mizoram, Tripura, Sikkim, Arunachal Pradesh, Nagaland, ki nongialam jong ki kompani, ki nongkynshew kam bad kiwei kiwei, ki ban iakren halor ka lawei ka roi ka par jong ka thain Shatei Lam Mihngi lyngba ki jingtei.
Kane ka summit ka dei kaba la pynlong da ka Federation of Industry & Commerce of North Eastern Region (FINER) ha ryngkat ka jingiatreilang bad ka Sorkar Meghalaya lem bad ka Build India Foundation.
Palat 800 ngut ki delegate la khmih lynti ba kin wan iashimbynta ha kane ka summit ba arsngi ka ban iakren halor ki lad pyniasoh ha ka thain, ka jingbei tyngka ia ki jingtei bad ki lad kynshew kam ha ki kam bapher bapher kum ki surok, ki jingtei ha ki jaka jngohkai, ka lad pyniasoh digital, ki kam liengsuin bad kad liengsuin lem bad ki Port and waterways.
 yn pynlait paidbah ia hynriew tylli ki project surok ba kongsan, ba shongdor T.3214 klur ha Meghalaya lashai ka sngi Nyngkong ha ka jingialang jong ka North East India Infrastructure Summit & Exhibition (NEIINFRA-2026), ka ban dei kawei na ki project ba hehduh ban ioh da ka Sorkar ha ki snem bala leit.){kind=link}