Shillong, Jylliew 14: Ki riewngeit ka Balang Katholik na ki Parish bapher bapher jong ka Jyllaniam Bah Shillong, kila pynlong ia ka jingiaid pilkrim ha ka sngi U Blei sha ka Shrine Ka Dohnud Bakhuid tam U Jisu ha Sacred Heart Theological College kaba don ha Mawlai.
Kumba 6000 ngut ki riewngeit kila ialumlang ha Sacred Heart Shrine, Mawlai. Ka jingialang kala sdang da ka jingmane Sakrament, bud sa ka Mass Bakhuid bala pynbynta da u Most Rev. Victor Lyngdoh, Archbishop jong ka Jylla niambah Shillong.
Ha ka por shiteng sngi la don ka jingmane sakrament bad jngkyrkhu ba lah ialam da i bah Kupar Shadap bad ka kynhun, bad ka jingpharia ia ka ktien u Blei da i Fr. Raphael Maiong, SDB.I a ka jngialum lang la pynkut bad la kyrkhu da i Fr John Zosiama SDB, Provincial jong ka Salesian Province Shillong.
Kane ka jingiaid pilkrim ka wanrah ka mynsiem iaduwai lang, ka jingleh riewblei bad ka jingiatylli ha ka jingieid ia ka dohnud bakhuid tam u Jisu.
