Shillong, Nailur 22 : Ka National People’s Party (NPP) ba synshar ia ka Jylla, kala pynrem jur ia ka jingthombor bad set beain ia kawei ka sister katholik bad arngut ki dkhot ka Catholic Charities Jamshedpur lem bad 19 ngut ki Khynnah ha Tatanagar Railway Station, kaba jia ha ka 21 tarik Nailur 2025.
“Kane ka jingjia ka pyni ia ka jingthombor ia ka jingngeit niam ba laitluid kaba la pynshong nongrim na ki jingkynnoh ki bym lah ban pynshisha, da kaba kam ba ka dei ka kam khaii briew bad pynkylla niam jubor” ong u Working President ka NPP James K Sangma ha ka kyrwoh bala pynmih ha ka sngi Nyngkong.
U ong ba ka jingshisha, kumba la pynshai da u Father Birendra Tete, ka long ba ia kine ki khynnah la khot sngewbha ba kin iashim bynta ha ka training prokram ba arsngi halor ka mat ka koit ka khiah ki khynnah bad ka roi ka par ha ka sap, haba bynrap ba ka jingset ia ki haduh 3 baje mynstep, wat hapdeng ka jingbym don ki sakhi ba ki leh bakla, ka pyni ia ka jingthombor pyrshah ia ki niam ritpaid.
“Kum ka party kaba ieng ban iada ia ka hok ki ritpaid, ka NPP ka pynrem ia kum kine ki jingpynsajia namar ka niam. Ngi dawa ia ki borkhmih ba kin bat iaki kyndon ka Riti Synshar ka Ri ba pynthikna ia ka hok ban mane laitluid bad ba pynthikna ba ym dei ban dom ka jingthombor ia kino kino ki kam trei mon sngewbha ba shong ain” ong u James.
 ba synshar ia ka Jylla, kala pynrem jur ia ka jingthombor bad set beain ia kawei ka sister katholik bad arngut ki dkhot ka Catholic Charities Jamshedpur lem bad 19 ngut ki Khynnah ha Tatanagar Railway Station, kaba jia ha ka 21 tarik Nailur 2025.){kind=link}