Shillong, Nailur 22: Uwei u samla ula mynsaw namar ba syntuid ka Scooty ba u niah kaba la jia ha Dulongnar Ri-Bhoi District.
La iathuh ba une u samla ba kyrteng u Mariawan Kynta (27 snem) naka shnong Khliehshnong, Sohra, East Khasi Hills ula niah sted palat iaka Scooty kaba don Number ML 05 T 4679 bad dei namar kane um lah shuh ban tehlakam iaka Scooty.
La iathuh ba haka por 3:25 janmiet ka Scooty ba niah une u samla kala syntuid bad ula hap ha nala kaba dap um bad ula mynsaw.
Ia u samla la pynkit noh sha Civil Hospital Nongpoh bad naka liang ki bor pyniaid Hospital kila ai jingmut ban kynriah noh sha kiwei ki jaka sumar ban ioh ka jingsumar ba paka.
Ki Pulit kila shimti noh iaka Scooty naka bynta ban pynlong ka jingtohkit.
