Guwahati, Nailur 21: U Myntri Rangbah duh ka ri u Narendra Modi un leit ban jngoh ia ka jylla Arunachal Pradesh bad ka jylla Tripura ha ka 22 tarik mynta u bnai Nailur, ha kaba yn sap lie paidbah bad buh maw nongrim na ka bynta ki project kiba la kot haduh ₹5,100 klur.
Ha nongbah Itanagar, u Myntri Rangbah un buh ia u maw nongrim na ka bynta ki ar tylli ki project kiba heh jong ka hydropower projects kina kynthup ia ka Heo Hydro Electric Project (240 MW) bad ia ka Tato-I Hydro Electric Project (186 MW) — bad haba khein lang kane ka project kala kot haduh ₹3,700 klur. Kine ki project ha Siyom sub-basin kin pyndonkam ia ka bor ding ilektrik jong ka thain bad kan kyntiew ia ka jingpynmih bor ding kaba khuid.
Un buh ruh ïa u maw nongrim jong ka Convention Centre kaba thymmai ha Tawang, kaba don ha ka jingjrong kaba 9,820 phut.Da ka jinglah ban pdiang palat 1,500 ngut ki nongwan, kane ka jaka kan long kum ka jaka ba kongsan na ka bynta ki jingialang, ki jingpyni, bad ki jinglehniam jong ka kolshor.
Nalor kata, u PM Modi un plie ïa ki projek kiba shongdor ₹1,290 klur, kiba kynthup ïa ka jingpynïasoh, ka koit ka khiah, ka jingïada na ka ding (fire safety), bad ki hostel jong ki kynthei kiba trei. Un sa ïakren ruh bad ki nongsiew khajna, ki nongkhaii, bad ki nongmihkhmat jong ki karkhana ha ka thaiñ halor ka jingktah jong ka jingpynkylla ïa ka GST kaba dang shen.
Hadien kane, u Myntri Rangbah un hiar sha Tripura ban plie ia ka jingpynbha thymmai ne ka redelopment ia ka Mata Tripura Sundari Temple Complex kaba don ha Matabari ha Gomati district. Ka projek, kaba la shim hapoh ka skhim PRASAD, ka la pynthymmai ia ka jaka jong ka temple da ki lynti iaid thymmai, ki lynti rung ba la pynthymmai, ki nala um, ka jingker, bad ki complex housing stalls, meditation halls, guest rooms bad ka offices.
Kane ka temple, kawei na ki 51 tylli ki Shakti Peetha, ka don ka jingmut kaba khraw ha ka niam bad ka kolshor.Ka jingpynkylla dur biang ia ka la khmih lynti ba kan kyntiew ia ka kam jngohkai pyrthei, kan pynmih ia ka lad ioh kam ioh jam, bad kan kyrshan ia ka roi ka par ha ka imlang sahlang ha ka jylla.
