La pynsangeh noh iaka NE Festival ha Singapore
Guwahati, Nailur 19: Ki nongpyniaid jong ka Northeast Festival ha Singapore kila pynbna ba kila pynsangeh noh ia ka tamasa hadien ka jingkhlad noh jong u nongrwai ba pawnam ka ri na Assam u Zubeen Garg.
Une u nongrwai uba la don 52 snem ka rta ula khlad ha ka 19 tarik mynta u bnai hadien ba ula ngam jyllop ha um ka por katba u dang jngi ha Singapore.
U Nongpyniaid ia katei ka Festival u Shyamkanu Mahanta bad ka kynhun ka jongu, kiba la pynkhreh ia ka jingiashimbynta u Zubeen Garg, katba ki dang don hapdeng ka jingialang bad ki heh saipan bad ki nongthaw ia ki polisi treikam ha
Shangri-La Hotel, Singapore kila ioh pdiang ia ka khubor kaba sngewsih halor ka jingkhlad noh jong u Zubeen Garg.
Halor kane ka jingkhlad noh une u nongrwai ba pawnam, na ka liang ka sorkar Assam kala pynbna ban don ia ka ‘State Mourning’ ne ka jingsngewsih hapoh ka jylla kaba 3 sngi naduh ka 20 haduh ka 22 tarik u Nailur, 2025.
Kum shi bynta jong katei ka State Mourning, la pynsangeh shwa shipor ia kino kino ki jingrakhe, jingialang, jingiabam sngewbha bad ki prokram ha kaba iadei bad ka riti ka dustur, hynrei ki prokram kiba iadei bad ka jingai jingsumar kum ki
Health Camp, ki prokram jongka Nikshay Mitra na ka bynta ki nongpang Tuberculosis, ki jingthung dieng ki lah ban iaid shakhmat khlem kano kano ka jingpynthud.
Ka sorkar Assam kala pynapw ia ka jingkyndit bad jingsngewsih kaba khraw halor ka jingkhlad jong u Zubeen Garg, u Nongrwai uba pawnam bad u nongshna phlim nam.
