Shillong, Risaw 23: Ka kylla kaba ar jong ka jingiakren khappud hapdeng ka Meghalaya bad Assam ban pynbeit ia ki jingiakajia ha ki 6 tylli ki jaka ba dang sah, yn sa pynlong noh shen, ong u Symbud Myntri Rangbah ba khmih ia ki kam pohiing bah Prestone Tynsong ha ka sngi Palei.
“Shen kan sa urlong kane” ong u bah Prestone haba kyllia lano ka jingiakren kan long biang.
Ula ong ba ka jingia hiar jurip lang ia ki jaka khappud ka donkam ia ka jingmynjur lang ia ka por kaba biang.
“Haba ngi ong shen, phi dei ban sngewthuh kawei- ngi donkam ban don ia ka jingsngewthuh bha ym tang na ka liang jong ngi hynrei na Assam ruh. Kumta, haba nga ong shen ka mut shisien ba ngi la mynjur ia ka jingiajurip lang ba kan long lehse lashai lane lashisngi lane ha kano kano ka por jong une u bnai lane bnai ban wan” ula ong.
“Hynrei ia mynta, lada nga ong nga la long bala khreh lashai ka sngi, lada jia ka Assam kam pat long kaba khreh, phi sngewthuh, namar kine ki jait kam ki donkam ia ka jingmynjur lang hapdeng ki ar Jylla…kumta ngi donkam ia ki ar jylla ba kin pynbeit ia ka por kaba biang” ula bynrap.
