Shillong, Nailur 19 : U Principal Chief Conservator of Forests (Wildlife) bad Chief Wildlife Warden u HC Chaudhury ula pan ia ka jingiatreilang bad ka jingkyrshan na baroh ban iada bad pynneh pynsah ia ka jingdon ki mrad bapher bapher hapoh ka jylla.
U PCCF ula kren ia kane ha ka jingialang jong ka Inter-Agency Coordination ki tnad ka sorkar pdeng bad ki sorkar jylla, kaba la pynlong dang shen da ka Eastern Regional Office jongka Wildlife Crime Control Bureau (WCCB), Ministry of Environment, Forest and Climate Change ka Sorkar India ha ryngkat ka jingiatreilang bad ka Wildlife Wing jong ka tnad Forest and Environment.
Kane ka jingialang ka dei kaba la pynlong da ka jingthmu ban kyntiew ia ka jingiatrei lang bad ka jingdon ia ka jingiajan hapdeng ki tnad bapher ban iakhun pyrshah ia ki kam runar pyrshah ia ki mrad ha ka thain khamtam eh ha ka jylla Meghalaya.
U Dr. Manoj Kumar, Joint Director, WCCB ula sdang ia kane ka jingiatai da kaba pynpaw ia ka jinglong jingman jong ki kam sniew pyrshah ia ki mrad ha poh ka ri India bad ki jingpyrshang ban iakhun pyrshah ia katei ka kam sniew.
La iatai sani ha kane ka jingialang ia ka jingdonkam ban phah noh mardor ia ki jingtip, ki jingthmu ba sha lyndet jong ki kam sniew jong ki kynhun, ka jingiatreilang bad ban khynra lang, ban ai jinghikai pyntbit bad ka jingling jingman ha kaba iadei bad ki kam sniew hapoh Meghalaya bad kumta ter ter.
Baroh ki tand kiba la wan iashimbynta ha ka jingialang kila mynjur ban iasnohkti lang ban iakhun pyrshah ia ki kam sniew pyrshah ia ki mrad ha ka thain.
Hadien jong katei ka jingiatai bad kaj ingialang, la pynbud pat sa ia ka jingai jinghikai pyntbit ha ka 15 bad 16 tarik u Nailur na ka bynta kito kiba donkti ha kaban iakhun pyrshah ia ki kam sniew pyrshah ia ki mrad.
Ha katei ka jingai jinghikai la wan ban iashimbynta da 28 ngut ki ophisar na ka Wildlife Wing jong ka tnad Forest and Environment bad 7 ngut ki ophisar jong ka Meghalaya Police bad ha kane ka jingai jinghiaki ka kynthup ia ka jingpyntreikam ia ka Wild Life (Protection) Act, 1972; Cybercrime, Case Documentation, ka jingling jingman ki kam sniew hapoh ka thai nShatei Lammihngi ka ri, ki jingthmu ba sha lyndet jong ki kynhun runar bad ki kyndon kiba iadei bad ka Bhartiya Nagrik Suraksha Sanhita, 2023 bad ka Bhartiya Sakshya Adhiniyam, 2023.
Ki heh ophisar jongka WCCB hapoh ka jingialam jong u Sri S.S. Patil, Regional Deputy Director, WCCB, Eastern Region bad kiwei kiwei ki riewshemphang na ki liang bapher bapher kila ai ia ki jingkren ha katei ka jingai jinghikai. Kane ka jingai jinghikai kala iarap shibun ia ki ophisar ba kin sngewthuh kham bha ha kaba iadei bad ki bynta jong ka jingtohkit ia ki kam sniew kiba la leh pyrshah ia ki mrad bad ka jingpyniap ia ki mrad.
 bad Chief Wildlife Warden u HC Chaudhury ula pan ia ka jingiatreilang bad ka jingkyrshan na baroh ban iada bad pynneh pynsah ia ka jingdon ki mrad bapher bapher hapoh ka jylla.){kind=link}