Guwahati, Nailur 18: Ki pulit ka jylla Assam kila kem noh ia ar ngut ki samla pule na Manipur kiba shah kynnoh donkti ban leh beijot kynhun (gang-raping) ia kawei ka kynthei kaba dei na ka jylla Tripura.
Haba kren sha ki lad pathai khubor, u DCP (East) u Amitav Basumatary u la ong, ia kane ka jingjia la pyntip nyngkong ha ka 16 tarik mynta u bnai Nailur ha Pani Khaity outpost, bad hadien ia kane ka case la registered ha Pragjyotispur police station.
“Ha ka miet jong ka 13 tarik u Nailur, kawei ka khynnah kynthei ha ryngkat bad san ngut ki samla pule shynrang kila leit sha ka party.Kane ka kynthei la iathuh ba kala buaid na ka jingdih kyiad bad kham hadien kala wan phai noh sha la kamra.Ha kane step kaba bud, kane ka kynthei kala sngewthuh ba kala shah leh beijot da u wei na ki paralok shynrang jong ka,” ong u ophisar pulit.
Ha kajuh ka por, katkum ka jingtohkit ki pulit la lam pat ban ithuh ia ar ngut kiba la shah suba bad ar ngut kiba la shah kynnoh kila shah kem noh.Namar ba baroh ar ngut kidei kiba dang rit ka rta la rah noh ia ki sha Juvenile Justice Board.
U Basumatary u la bynrap ba kyrteng jong ka lanot kaba lait im bad ia ar ngut kiba la shah kynnoh ym lah ban pynpaw kyrteng katkum ki kyndon ain, bad ka jingtohkit ka dang iaid shakhmat.
 ia kawei ka kynthei kaba dei na ka jylla Tripura.){kind=link}