Shillong, Nailur 18: Ka Balang Unitarian hynne ka sngi Palei kala rakhe ia ka jingdap 138 snem hapoh Jowai da kaba leit buh syntiew ban kynmaw burom ia u nongseng ka Balang u HK Sing bad ka jingpynher ia ka lama jong ka Balang da u Moderator, GM Lamar.
Mynta u snem ka mat jong ka jingrakhe ka long “Ka Anniversary-Ka jingkyrsiew Mynsiem”.
Ha ka sngi Paei ha ka por 12:30 mynsngi la pynlong ia ka jingiaseng kaba kyrpang ia kaba la ioh ia ka jingkren bad ka jingialap na u Bah Teiborlang Passah.
Hadien ba la pyndep ia ka jingiaseng ha ka por janmiet, la pynlong ia ka jingiaid proseshon kaba la sdang na ka Balang kaba don ha Tympang Iawmusiang bad nangne la iaid sha kylleng ki shnong kiba don ha ka sor Jowai.
Ha katei ka jingiaid proseshon la wan iashimbynta naduh ki khynnah ba dang rit haduh kiba la heh ka rta.
