Shillong Nailur 18: Ka Meghalaya State Skill Development Society (MSSDS) kala iasoi ia ka Memorandum of Understanding (MoU) bad ka Jaceex Ventures LLP ban plie lad ia ki samla ka jylla Meghalaya ban leit trei ha ri Japan lyngba ka prokram jong ka Jaceex’s ka Youth4Japan.
Hapoh jong katei ka jingiatehkular, ka Jaceex Ventures, kaba dei ka kynhun NSDC kaba la ioh jingithuh, kan ithuh, ai jinghikai bad ban buh trei ia ki samla kiba la tbit na Meghalaya ha kiba bun ki liang kum ki nongsumar ia ki tymmen, rep ka riang, ka jingpdiang sngewbha ia ki nongwan kai, ka jingshakri ha ka rukom sam ia ki jingbam bad ban niah kali. Ki samla kiba la shah jied kin hap ban pyndep ia ka jingai jinghikai kaba janai, kynthup ban nang ia ka ktien Japan haduh ka kyrdan N4, ka Cultural Orientation, ki jinghikai pyntbit shuh shuh bad ka jingpynkhreh ha shwa ban mih.
Ki samla kiba la shah jied kin ioh ia ka kontrak ban treikam ha ri Japan ha kaba ka jingsiew ia ki ha ka shi bnai kan long hapdeng jong ka T. 1.1 haduh T.1.2 lak, lem bad ka jingioh lada trei ia ka kam palat por, ki jingsiew tam bad ka jingkyrshan ha ka liang ka jaka sah. Ka sorkar Meghalaya, lyngba ka MSSDS, kan ai ia ka jingkyrshan pisa kaba haduh T.50,000 ia man la ki samla ban pynduna ia ka jingsiew ha ka jingioh jinghikai bad ban pynthikna ban wan iashimbynta bun ngut.
Ki ophisar kila pynpaw ba kane ka sienjam kan iarap ha kaban shimkhia halor kaj ingkyrduh kam ki samla bad ka jingbym ioh ia ka kam kaba bit ba biang hapoh Meghalaya da kaba pynkup bor ruh ia ki da ki jingtbit ha ka pyrthei bad kiba bun ki kabu.
Ka MoU kala banjur ruh ba dei ban don ia ka rukom thungkam kaba khuid ba suba, ka jingpeitngor ia ka bha ka miat bad ka jingtreikam kaban neh slem ha kaban kyrshan ia ki samla kiba leit trei shabar ri.
La khmih ba lyngba kane ka jingiatreilang kan thaw ia ka lynti kaba skhem bad kaba neh na ka bynta ki khynnah samla ha ka jylla ban ioh ia ki kam kiba bha shabar ri bad kaban pynkhlain ruh ia ka jingiohi jngai ka jylla Meghalaya ban nang iai kyntiew ia ki jingtbit lyngba ka Skills Meghalaya Programme.
 kala iasoi ia ka Memorandum of Understanding (MoU) bad ka Jaceex Ventures LLP ban plie lad ia ki samla ka jylla Meghalaya ban leit trei ha ri Japan lyngba ka prokram jong ka Jaceex’s ka Youth4Japan.){kind=link}