Shillong, Nailur 5: Ka sorkar Meghalaya ryngkat ka jingiatreilang bad ka United Nations World Food Programme (WFP) ka la pynlong ia ka workshop halor ka 5-Year Strategic Vision Document na ka bynta ka Targeted Public Distribution System (TPDS) ia kaba la pynlong ha Shillong Club hynne ka sngi Thohdieng.
Kane ka jingthmu ka long ban kyntiew ia ki jingmih na ka jingpynbiang bam, ban kyntiew ia ka jinglah ban ioh ia ki marbam ba la ai jingiarap (subsidy), bad ban ialeh pyrshah ia ki jingeh ki nong shong shnong kiba don kumba 3 million, khamtam kito kiba don ha ki jaka ba don ki riewlum bad ki jaka ba eh ban poi.
Ha kane ka workshop la wan ban iashim bynta da u myntri sorkar ba peit ia ka tnad Food, Civil Supplies & Consumer Affairs u Bah Comingone Ymbon, u Pravin Bakshi, IAS, Commissioner & Secretary ka FCS&CA, ka Saloni Verma, IAS, Director, FCS&CA, bad kiwei kiwei ki heh ophisar na ki district bad ki tnad treikam bapher bapher.
Kane ka jingiatreilang ka pynpaw ia ka jingangnud jong ka sorkar ban kyntiew ia ka jingim jong ki nongshong shnong, khamtam eh ia ki paidbah kiba kham kyrduh.
 ka la pynlong ia ka workshop halor ka 5-Year Strategic Vision Document na ka bynta ka Targeted Public Distribution System (TPDS) ia kaba la pynlong ha Shillong Club hynne ka sngi Thohdieng.){kind=link}