SHILLONG, Nailur 05: U Myntri ka Pule Puthi u Rakkam A Sangma ula pynpaw ia ka jingkloi ban shim ia kano kano ka jingkitkhlieh kaba u shah pynkhamti da ki heh jong ka seng ha kaba iadei bad ka jingthmu ban bujli ia ki myntri sorkar.
U Rakkam SaSangmauba bat.mynta kum u Myntri uba khmih ia ka Education, Border Areas Development, and General Administration, ula ong ia ki nongthoh khubor ha ka sngi Thohdieng ba u iengskhem ha kaban shakri ia ki paidbah ka Meghalaya la ka long ha kano kano ka bynta ne kyrdan.
“Lada jia ba ki heh jong ka seng ki shim ia ka rai, nga long uba kloi ban shim ia kano kano ka kam kaba la bynshet ha nga namar ha kaba kut jong ka sngi hi, kano kano kaba ki kwah ban buh ia nga ha kano kano ka kyrdan, nga long uba kloi” la ong u MLA ka National People’s Party (NPP) na Siju-Rongara constituency.
Katkum ka jongong ka jongu, ki heh ka seng bad u Myntri Rangbah ki don ia ka bor ban shim ia ka rai ha kaba iadei bad ka kyrdan ha ka kynhun myntri.
“Kadei ka bor laitluid jong u Myntri Rangbah bad ngi lah long kiba kloi ban shakri ia u paidbah ka jylla ha kano kano ka kyrdan” la ong u Sangma.
Kane ka jingkren ka jongu kadei hadien ba kila mih ki khubor ba kan sa don ka jingbujli ia ki Myntri Sorkar hapoh ka sorkar synroplang jongka Meghalaya Democratic Alliance (MDA-II) hadien ba kala kynjoh ia ka jingdap 2 snem shiteng.
