Nongpoh, Nailur 11: Kawei ka Heprit kala lait salit na ka kti jong ka kynhun bala kynnoh thmu rahbor katba ka dang wan phai na Iingmane ban leit sha la iing. Kane ka la jia hynne ka por janmiet ngi U Blei ha ka thain Ri-bhoi District.
Kat kum ka khubor Pulit, la iathuh ba hynne por 5 baje janmiet eiei, kane ka Heprit ka dang wan phai na ka Jingiaseng bad kala kiew ha kawei ka Auto Rickshaw da ka jingthmu ban leit shala Iing.
Hynrei la kynnoh ba ha lynti la kynnoh u Nongniah Auto Rickshaw ula kyntiew ia ki arngut ki paralok bad kila thmu ban rahbor ia kane ka heprit. La ong ba kane ka jingsuba kala mih namar une u Nongniah Auto u khlem sangeh satia ia ka kali ha ka jaka ba kane ka heprit ba thmu ban hiar.
La iathuh ba kane ka Heprit kala ioh lad ban phet bad kala ioh ban phone ia ki bahaiing kiba la wan ban wad bad ai jingiarap ia ka. Kumta hi ka jingiathwet ia kane ka Auto Rickshaw kala iaid bad tang katto katne por, kila ioh ban bat ia kane ka kali lem bad ia kine ki briew.
Ki paidbah kiba ioh jingtip ia kane ka jingjia, da ka jingbitar kila ktah kti ia kine ki lai ngut hynrei arngut napdeng jong ki, kila ioh phet na ka kti jong u paidbah. Hadien kane, la pyntip noh sha ki Pulit ba kin wan shimti bad ban leh ia kaba donkam.
Ki Pulit da ka jingtohkit bniah kila ioh ban kem noh ia ki arngut ba laitphet ha kane hi ka janmiet.
Halor kane ka jingjia, na ka liang ki Women Police ka Ri Bhoi ki dang pynlong ia ka jingtohkit kaba bniah khnang ban lah pyniaid ia ka case katkum ki lynti jong ka aiñ.
