Shillong, Nailur 04 : Ka Village Defence Primary Committee, Nongstoin Area (VDPCNA) kala pan ia ka jingkyrshan na ka Sorkar Jylla ban tehlakam ia ki kam bymman bad ki nongleh bymman ha ka thain Nongstoin.
Pan jingkyrshan ki VDP ka WKH ia ka Sorkar ban iakhun pyrshah ia ki kam bymman ha Nongstoin
Ha ka dorkhas bala aiti ha u Myntri ka Tnad Social Welfare Bah Paul Lyngdoh, ka VDPCNA kala pyntip ba kala iatrei ryngkat ryngkat bad ka Tnad Pulit, pynlong ia ki jingiaid pahara bad ban kem ia ki riew bymman.
“Wat hapdeng ki jingpyrshang jong ngi kat kaba ngi lah, katto katne ki kam bymman bad ki jingpynthut ki dang iai bteng, kaba buh ha ka jingeh ia ka VDPCNA. Kumta, ngi wanrah hakhmat jong phi ia kine ki mat ba phin khmih bad ban ai lem ia ki jingkyrshan, na ka bynta ka jingbha ki shnong ki thaw bad ka imlang sahlang jong ngi” kala ong.
Ka VDPCNA kala ai jingmut ruh ia ki sienjam ba kynthup ia ka jingpynkylla noh ia ka Building ka Ophis Agriculture ba khlem pyndonkam sha ka Regabilitation Centre, na ka bynta ki jingdonkam jong ki shnong ki thaw.
Kala kyntu ruh ia ka Sorkar ba kan ai noh da ki uniform ba don jingthoh “VDPCNA” sha ki dkhot haba ki leit iaid pahara bad leit khynra nalor ban pynbeit ryntih ia ka jingpynrung kyrteng bad pynthymmai ia ki Vollage Defence Committee ba kin ioh ia ki honorarium, ki tiar ki tar bad kiwei kiwei.
Ka VDPCNA kala ban jur ia ka jingdonkam ban pyntreikam ia ka jingiaid pahara miet ba thikna, pyndait ia ki kor CCTV bad pyntreikam ia ki kyndon ba pyrrkhing pyrshah ia ka jingdie kyiad beain, ban leh eiei halor ki kam ba iadei bad u droks, ka jingdih ha jaka paidbah bad ki kam iashoh iadat.
 kala pan ia ka jingkyrshan na ka Sorkar Jylla ban tehlakam ia ki kam bymman bad ki nongleh bymman ha ka thain Nongstoin.){kind=link}