Guwahati, Nailar 19: Ka Directorate General of GST Intelligence (DGGI), Guwahati Zonal Unit, kala lap ia ka jinglait tuh ka khajna kaba dei ban poi sha ka sorkar hadien ba kala lap ia ka jingthok bad shukor pisa ba T.500 klur ha ka Goods and Services Tax (GST) ha kane ka nongbah.
Ha kane ka jingjia la kem noh ia saw ngut ki briew ha ka sngi Nyngkong namar ba ki donkti ban pyniaid ia ka kynhun thep pisa thok kaba heh bha na ki jaka bapher bapher ha Beltola.
Kine kiba la shah kynnoh bad kiba la shah kem la tip kyrteng kum u Gaurav Agarwal, Deepak Agarwal, Vinod Agarwal bad u Guddu Singh.Ki heh ophisar ki la ïathuh ba kane ka kynhun ka pynïaid ïa ka pan-India racket kaba ïadei bad ki karkhana coke be-aiñ ha Meghalaya bad Arunachal Pradesh, ha kaba ki kam ki ïaid sha kylleng ka jylla Assam, West Bengal, bad Delhi.
Katkum ka jing iathuh la ong ba katei ka jingleh thok pisa, ka dei ba thaw ia ki company shell ban pynmih ia ki invoice ba thok, kaba ailad ia ka network ban lait na ka GST bad ban pynkhuid ia ka jingmyntoi kaba beain.
Haba bud rytih katkum ka jingtip na ki tnad syntiat, ki heh ophisar ka DGGI kila pynlong ia ka jingkhynra ha kumba 10 tylli ki jaka ha kajuh ka por ha ka thain Beltola, ba kynthup ruh ia ka iing sah bad ka ophis jong kine kiba shah kynnoh.Ha kane ka jingkhynra la kurup ia ki kot ki sla bad ki jingthoh digital. Kawei ka jingkhynra ka dang iaid ha Shangrila Towers ha Lalmati ha ka por ba la ai khubor.
Ki bor ba dei khmih kila khein ba katei ka jingleh thok pisa kala kot haduh ₹500 klur, hynrei ki heh sorkar ki la maham ba katei ka jingkhein ka lah ban kiew katba nang iaid ki jingtohkit. “Kane ka dei kawei na ki jinglait tuh ka khajna na ka GST kaba heh tam ha ka thain.Kane ka kam thok bad shukor pisa ka la saphriang ha kylleng ka jylla bad ka la kynthup lang ia ki rukom ban pynkylla ia ka bai lutksan,” la ong uwei u heh ophisar.
Ia kine ki briew kiba la shah kem la pynngat ha ki kyndon ba iadei jong ka GST Act, bad ka jingtohkit ka dang iaid shakhmat ban wad ia ka network kaba kham heh kaba don shadien jong katei ka jingleh thok.
, Guwahati Zonal Unit, kala lap ia ka jinglait tuh ka khajna kaba dei ban poi sha ka sorkar hadien ba kala lap ia ka jingthok bad shukor pisa ba T.500 klur ha ka Goods and Services Tax (GST) ha kane ka nongbah.){kind=link}