-->

Pyrshah ka HNYF ban thied jaka ka MIDFC ha Umtham | Dawa tohkit ba tyrwa thied ha ka dor ba heh

Date:

Share post:

Shillong, Nailar 28: Ka Hynñiewtrep National Youth Front (HNYF) ka la dawa na ka Sorkar Jylla ba kan pynsangeh noh ia ka jingtyrwa ban thied jaka ka Meghalaya Industrial Development and Finance Corporation (MID&FC) lane ka Meghalaya Industrial Development Corporation (MIDC) ha ka shnong Umtham ha Ri Bhoi District.

Ha ka shithi ba la aiti sha u Myntri Rangbah ka jylla Conrad K Sangma, u Finance Secretary ka HNYF samla Robin Umbah u ula kynnoh ba ka jingthmu ban shim ia ka jaka kaba heh 14 akar ha ka jinglut kaba T.21 klur, kaba mut kumba T.450 shi phut square foot, ka long kaba palat pud.

Ula ong ba katkum ka jingtohkit ka seng, ka dor kaba heh tam na ka bynta ka jaka ha katei ka thain ka long haduh T.150 shi square foot, kaba la pynmih ia ka jingsngewkhia kaba jur halor ka jingthmu bamsap bad ka jingpyndonkam bakla ia ka pisa paidbah.

“Kane ka jingbym iahap dor kaba bun shah ka pynmih ia ka jingsngewkhia kaba jur halor ka jingthmu bamsap bad ka jingpyndonkam bakla ia ka pisa paidbah. Ngi tieng ba kane ka jingiateh ka lah ban long ka jingpyrshang kaba paw pyrthei ban shim kabu ia ka pisa paidbah bad ngi kyrpad ia phi ban shimkhia mardor ban tohkit ia kane ka kam,” ong ka HNYF haka shithi bala phah sha u Myntri Rangbah.

“Haba iadei bad kane ngi kyrpad da ka jingsngewrit ia ka ophis jong phi ban pynsangeh noh ia ka jingthmu ban shim jaka da ka MID&FC/MIDC ha ka shnong Umtham bad ban pynlong ia ka jingtohkit kaba bniah halor kane ka kam ban tip ia ka dor jong ka” u la ong haba dawa ban leh eiei pyrshah ia ki heh ophisar lada lap ba ki donkti haba shim rai ia kane.

Share post:

-->
spot_img

Popular

More like this
Related

Jan 4500 ki nong mareh na ki 30 Jylla ba iashimbynta ha ka Assam Rifle Half Marathon ha Shillong

Shillong, Naiwieng 22 : Jan kumba 4,500 ngut ki...

Sospon ka Tnad Pulit ia u constable ba khrong pisa na ki trok

Shillong, Naiwieng 22 : Ka Tnad Pulit kala sospon...

BJP distances itself from Marak’s RTI on Gospel Fest funding, says move was in personal capacity

SHILLONG, NOV 21: The state Bharatiya Janata Party on...

Meghalaya bans movement of uncovered, overloaded hay trucks in Shillong

Shillong, November 21: The East Khasi Hills district administration...