Shillong, Nailar 15 : Ka Iingkashari Meghalaya High Court kala bthah ia u Special Officer bala thung ha ka Public Interest Litigation (PIL) ba un ai ia ka kaiphod kaba bniah halor ka jingdonlad ban thungdieng ha ki jaka ba pyntrei kami a ka Shillong Peak Ropeway Cable Car Project.
Ka PIL bala ujor da u Geraldine G Shabong, ka ujor ia ka jingkynnoh pom dieng pathar bad pynkhyllem ia bun bah ki dieng ha ka thain Lawsohtun, East Khasi Hills na ka bynta ka Shillong Peak Ropeway Cable Car project.
Ka Sorkar Pdeng kala aibor ban pom ia ki dieng kat kum ki kyndon ain.
Ka Iingkashari kala thung ia u Advocate General bad senior advocate K Paul kum u Special Officer ba un leit jurip ia ka thain bad ai ia ka kaiphod halor ki lad kiba lah ban shim na ka bynta ka jingthung dieng biang ha ka thain.
U Special Officer ula dep wan jurip ia ka thain bad shem ba ka lynti ka don ban thungdieng biang ha sawdong jong ka jaka ba pyntrei ia ka project.
La aipor ba kin pynlong shuh shuh ia ka jingjurip bad ban aiti ia ka kaiphod kaba bniah.
“Ka long kaba sngewtynnad ban iohsngew na ki ba ka lynti ka don ha kaban thungdieng biang ha ki jaka ba don sawdong jong ka project. Kila pan por ban leit jurip shuh shuh bad ban aiti ia ka kaiphod kaba bniah haba iadei bad ka lad bad ka jinglah ban thungdieng biang ha ka thain” ong ka Division Bench ba kynthup ia u Chief Justice IP Mukerji bad Justice W Diengdoh ha ka hukum ba pynmih ha ka sngi Palei.
“Ngi pynsangeh ia ka PIL tad haduh ka 2 tarik Nailur 2025. U Special Officer u dei ban nang pynkhreh ia ka kaiphod hashuwa kane ka por” kala bynrap.
 ba un ai ia ka kaiphod kaba bniah halor ka jingdonlad ban thungdieng ha ki jaka ba pyntrei kami a ka Shillong Peak Ropeway Cable Car Project.){kind=link}