Shillong Nailar 06: U Nongialam barim ka Indian National Congress (INC) bad MLA ka Mylliem Constituency Bah Ronnie V Lyngdoh ula ong, ba ka jingshim rai ka jongu ban pyniasoh bad ka National People’s Party (NPP) kadei kaba la khring da ka jingpynleit jingmut kane ka seng ia ka roi ka par bad ka jingtbit jong ki nongialam ban trei ia kaei kaba ki kren.
Ula iaroh ia ka jingialam jongu Myntri Rangbah ka jylla bad ka jingkular ka seng ban wanrah ia ka jingkylla kaban neh ia ka jylla.
U Bah Ronnie Lyngdoh ula ong, ba ka jingrai ka jongu ban rung sha ka NPP kam dei kaba la rai hak-dak, hynrei kadei kaba mih na ka jingsngap ia ki paidbah jong ka Mylliem constituency, kiba la kyntu ia u ban shim ia ka sienjam kaba shlur na ka bynta ban ioh ia ka roi ka par kaba shisha.
U Bah Ronnie ula pynshai ruh ba ym shim la buh ia kino kino ki kyndon, ka jingdawa ne ka jingtyrwa ba un pyniasoh sha ka NPP. Ula banjur ba ula rung sha ka seng ban trei na ka bynta ka roi ka par jong ka jylla ym tang ban shu kren shaphang ka jongka.
“Ha kaba iadei bad ka kam jong nga, ka jingai jingbit (ban rung sha ka NPP) kala wan na ki paidbah ia kaba ngan ym lah ban shim ia kum kane ka sienjam. Ai ba ngan pynshai ba kam shym la don kano kano ka jingbuh kyndon, ka jingdawa ne jingtyrwa ne ka lynti kaba lyngkot ban pyniasoh sha ka NPP. Nga rung namar ba nga kwah ban trei ym tang ban shu kren”.
Ha kaba iadei bad ki kam pynroi kiba la leh hapoh ka sorkar kaba la ialam da ka NPP, u Bah Ronnie ula ong, “Kala pynlong ia nga ban rung sha ka NPP ban ai ia ki kti jong nga ia u Myntri Rangbah uba la trei ia kaei kaba ula kren. Ngi lah don ia ki nongialam kiba kren bad iai kren, hynrei mynta ngi don ia u nongialam uba kren duna hynrei uba trei kham bun pat ban ia kaei kaba u kren”.
U Bah Ronnie ula kren ruh halor ki sienjam kiba la shim da ka sorkar NPP kiba kynthup ia ka jingbhah T.240 Klur ban rep ia u syntiew ha katei ka thain.
Ula kyrpad ruh ia u Symbud Myntri Rangbah ka jylla ban pynkloi noh ia ka projek ban shna ia ka surok ha Lawsohtun ban pynduna ia ka jingdheng kali.
“Ngi donkam ia ki nongialam kum u Myntri Rangbah bad u Symbud Myntri Rangbah ka jylla jong ngi. Nga lah kren ia kiba bun ki ishu ha kaba iadei bad ki surok bad halor ki jingeh kiba ngi mad man la ka sngi bad u Bah Prestone Tynsong ula shimkhia beit bad nga la kyrpad ia u ban pynsted noh ia ki kam jong ka jingshna surok ha Lawsohtun” ong u MLA ka Mylliem.
“Kine kidei kita ki jait nongialam kiba ngi kwah ban iakren bad ban ia trei namar ba ngi kwah ban shakri ia ki paidbah bad ki paidbah kidei hok ban ioh ia ki nongialam kiba bha bad kadei kane kaba la pynlong ia nga ban rung sha ka NPP.
Nga lah iohi ba hapoh jong kane ka seng, ka jylla ka jong ngi kala nang kiew shaphrang bad wanrah ruh ia ka jingkylla kaba iai neh” la ong u Bah Ronnie Lyngdoh ha ryngkat ka pynpaw ia ka jingkular ban iatreilang bad ka NPP ban wanrah ia ka roi ka par ha ka Mylliem constituency bad ha ka jylla baroh kawei.
 bad MLA ka Mylliem Constituency Bah Ronnie V Lyngdoh ula ong, ba ka jingshim rai ka jongu ban pyniasoh bad ka National People's Party (NPP) kadei kaba la khring da ka jingpynleit jingmut kane ka seng ia ka roi ka par bad ka jingtbit jong ki nongialam ban trei ia kaei kaba ki kren.){kind=link}