Shillong, Nailar 04 : Kumba 5 ngut ki briew la suba ba kila iap ha ka jinghap jong ka kali Maruti Alto ba ki iashong, shapoh ka riat Rngain ha ka miet Sngi U Blei.
Kat kum ka khubor Pulit, la iathuh ba kane ka kali bad ki briew ba iap, ki dei kiba na ka shnong Langkyrdem, East Khasi Hills.
La antad ba ka jingjur u lyoh khyndew hynnin ka miet lehse ka dei ka daw bah ba pynlong ia u nongniah jong kane ka kali ban tur shapoh kane ka riat kaba jrong kumba 70 phut eiei.
Ki Pulit kila hiar hynne ka step sngi Nyngkong sha katei ka jaka ban leit sei ia ki briew bad ban tan ia ka kali.
Ka khubor ka iathuh ba kine kiba iap ki dei na kajuh ka longiing ba kynthup ia 2 ngut ki shynrang bad lai ngut ki kynthei.
Ia ka khubor kaba bniah yn sa ai hadien.
