Shillong, Nailar 01 : Ki Pulit ka West Jaintia Hills, kila ioh ban kem ia arngut ki briew kynthup uwei u nongdie droks haka step sngi Thohdieng.
Halor ki jingtip ba ioh, ki Pulit kila ioh kem ia u Kmenlang Dkhar katba u dang wan na Kalain, Assam sha Jowai.
Ki Pulit kila ioh kurup haduh 12.33 gram u heroin, bala thep ha ka synduk sabon, lem bad ka mobile phone na une u briew.
Halor ka jingphla u Kmenlang bad jingpynithuh, ki Pulit kila kem sa ia u Rudy Sutnga, u nongkhaii droks bad u nongbei tyngka jong u heroin bala ioh kurup. Ia une u nongkhaii la kem na Mynthong, Jowai.
Ki Pulit kila pynlong ia ka jingthwet ban iohkem ia kiwei pat ki briew ba donkti ha kane ka kam ba kynthup iaki briew na Assam bad Meghalaya.
Ki Pulit kila register ia kane ka case hapoh ka Narcotic Drugs and Psychotropic Substances (NDPS) Act bad ka jingtohkit mynta kala iaid shakhmat.
