Shillong, Naitung 28 : Ka Khasi Students’ Union (KSU)-West Jaintia Hills District Unit, kala kyntu ia u Superintendent of Police ka District ba un phah iaid pahara man ka por ha ka thain Lapangap.
Kane ka jingkyntu kala mih hadien ba ki nongshongshnong bad ki nongrep ha ka thain, kila iai mad ia ki jingshah pynthut, jingshah byrngem bad shah pyndik ha ki briew na ka Jaidbynriew Karbi naduh ka 25 tarik Jylliew, 2025.
Ha ka shithi sha u SP, u President ka KSU Laitphar Syngkrem ula ong “Ka jingpyndik ba dang iaid haduh mynta, kala wanrah ia ka jingsyier bad jingbym sngew shngain hapdeng ki nongrep, kaba buh ia ki ha ka jingeh ba kin leit trei sha ki jaka rep da ka jingsuk bad jingshngain”.
“Namar kine kiei kiei, ngi kyntu ia ka Ophis jong phi ban phah ia ka kynhun iaid pahara ba man ka por ha ka thain Lapangap khnang ban pynthikna ia ka jingshngain jong ki nongrep bad ban khanglad ia ki jingpynthut nangne shakhmat” ula bynrap.
Kat kum ka jingong jong u, ka jingiohi ia ka jingdon ki Pulit ym tang ba kan wanrah ia ka jingsngeskhem jong ki nongrep hynrei kan iarap ruh ban pynneh ia ka jingsuk bad jingshong shngain ha ka thain.
-West Jaintia Hills District Unit, kala kyntu ia u Superintendent of Police ka District ba un phah iaid pahara man ka por ha ka thain Lapangap.){kind=link}