Shillong, Naitung 25 : U Symbud Myntri Rangbah ki kam Pohiing (Police) Bah Prestone Tynsong ula pynpaw ba ia ka result jong ka written eksam thungkam Pulit ha Jylla, la khmih lynti ban sa pynbna noh shen.
Haba iakren bad ki nongthoh khubor ha ka sngi Thohdieng, u Bah Prestone ula ong ba ka jingpynlong ia ka written eksam kala dep pura bad ka jingpynkhreh ban pynmih ia ka result kala iaid shaid shaid. Kumba 36,000-37,000 ki samla kila iakhun ia kane ka eksam.
“Kyrmen skhem, ba shen ngin sa lah ban pynbna ia ka result jong ki eksam kiba la dep ban pynlong” ula bynrap.
Halor ki jingkynnoh ba don ki jingleh thok haka por thoh eksam, u Bah Prestone ula iathuh ba ka Director General of Police (DGP) kala pynlong ia ka jingtohkit bad kam shym la shem satia ia kano kano ka jingleh thok ha baroh ki centre thoh eksam ha ka Jylla.
“Hooid, haba nyngkong kila don katto katne ki jingujor kiba la poi sha ka miej jong nga ruh bad nga la bthah ia ka DGP ba kan wad ia ka jingshisha bad khatduh ngi la ioh lut ia ki jingtip ba bniah bad ngi shem ba kam shym la don satia kano kano ka jingleh thok ha ki centre thoh eksam hapoh ka Jylla” ula bynrap.
 Bah Prestone Tynsong ula pynpaw ba ia ka result jong ka written eksam thungkam Pulit ha Jylla, la khmih lynti ban sa pynbna noh shen.){kind=link}