Shillong, Naitung 22: Ka Akashvani North Eastern Service kan pynlong ïa ka North East Music Concert ha ka 23 tarik Naitung ha ka por 3:00 baje janmiet ha U Soso Tham Auditorium Shillong kum shi bynta ban kynmaw iaka National Broadcasting Day bad ka jingdap 90 snem jong ka jingshakri jong ka Akashvani ïa ka ri.
Ha kane ka Concert yn don lang u Dr Pragya Paliwal Gaur, Director General ka Akashvani.
Ha kane ka North East Music Concert yn don ki nongrwai na ki kynhun bapher bapher na baroh 8 tylli ki jylla jong ka thaiñ shatei lammihngi kynthup Jayanta Jamatia na Tripura, Lungleng Trio na Mizoram, Joe’s Apartment na Sikkim, Rupam & Friends na Assam, Innocent Eyes na Manipur, AR Folk na Arunachal Pradesh, Fifth Note na Nagaland, bad Summersalt na Meghalaya.
Ki jingtem kin kynthup ïa ki jingrwai tynrai, ki jingrwai fusion, ki jingrwai ba mynta kaba ailad ïa ki nongpeitkai ban mad ïa ki sur ba thiang jong ka thaiñ Shatei Lam Mihngi ha kawei ka lympung.
Ki paidbah kiba kwah ban leit kai sha kane ka Concert kim donkam ban siew pisa.
Ka North East Music Concert kan dei ka janmiet ka jingïakhleh kyrpang jong ka sur bad ka kolshor, kaba wanrah ïa ka mynsiem jong ka jingrwai bad ka pateng kaba ïasam lang jong ka thaiñ shathei lammihngi.
Ka All India Radio, Shillong, ka pdiang sngewbha ia baroh ki riew ieid jingrwai ban wan sha kane ka Concert.
