Shillong, Naitung 22: Ka Hynniewtrep Integrated Territorial Organisation (HITO) ha ka sngi Ba-ar, kala ia kynduh ïa u Myntri ka tnat bording AT Mondal ban phah tuklar halor ka jingbym pyntreikam ïa ka Enhanced Duty Allowance da ka Meghalaya Energy Corporation Limited (MeECL) sha ki Volunteer ka tnat Home Guard.
Haka dorkhas ka HITO kala ong ba ka MeECL kam shym la kohnguh ïa ki jingbthah jong ka Sorkar na ka tnad Civil Defence bad Home Guard Department ha kaba ïadei bad ka jingsiew ïa ka Enhanced Duty Allowance sha ki Volunteer Home Guard kiba la shah hikai, kiba la pyndonkam da ka MeECL.
“Kine ki Volunteer ka Home Guard ki la pyndep ia ki kam kiba la ju trei mynshwa da ki nongap pahara ka MeECL, hadien ka jingbym lah shuh jong ka Corporation ban thung ia ki briew kiba thymmai la palat 40 snem” ong ka HITO.
Ki Volunteer ka Home Guard ki don ka jingkitkhlieh ban pyndap nongtrei ha ki jaka pynmih bording bad ba buh ia ki mar ki mata kiba kongsan jong ka MeECL, kynthup ki power stations, sub-stations, stores, offices, revenue collection centers, checkpoints bad gates. Wat la ki dei ki kam kiba kongsan, hynrei kine ki Volunteer kim shym la ioh ia ka bai nong ba la pynkiew katkum ka jingbthah jong ka Sorkar.
Ka HITO ka la kyntu ia u Myntri ka tnat bor ding ban tuklar halor kane ka kam bad ban pynthikna ba ka MeECL kan kohnguh ia ki jingbthah jong ka Sorkar ha kaba ia dei bad ka jingsiew ia ka Enhanced Duty Allowance sha ki Volunteer jong ka Home Guard.
“Nalor kane ka HITO ka kyrpad ia ka tnat ban dro ia ka Road Map halor ka jingpyntreikam ia ka hukum ba la pynmih da ka tnat personnel department/Meghalaya State Electricity Regulatory Commission naka bynta ban pyndap ia baroh ki kam ba thylli ba la mynjur man ka por,” u la ong.
 ha ka sngi Ba-ar, kala ia kynduh ïa u Myntri ka tnat bording AT Mondal ban phah tuklar halor ka jingbym pyntreikam ïa ka Enhanced Duty Allowance da ka Meghalaya Energy Corporation Limited (MeECL) sha ki Volunteer ka tnat Home Guard.){kind=link}