Shillong, Naitung 14: Ka Federation of Khasi Jaintia and Garo People (FKJGP) kala khang khyrdep ia ka General Post Office (GPO) ha Shillong bad ia ka Post Office ha 7th Mile Upper Shillong halor ka jingkynnoh ba ki khlem burom ia ka sngi shuti jong ka jylla ha kaba iadei bad ka leh niam Behdeinkhlam jong ki paidbah ka ri lum Jaintia.
U nongialam ka FKJGP, ba la ialam da u samla A Khonglam, President ka Shillong city unit, u samla Bantei Nongkhlaw, President ka Banuin unit, bad u samla Donkupar Nongdhar, President ka Pomlum unit, tang shu ioh jingtip mar mar kila leit ban khang khyrdep ia kitei ki ophis kiba plie, wat la dep pynbna ba kadei ka sngi shuti.
Ha ka kyrwoh khubor, ka FKJGP kala dawa na ka sorkar jylla bad sorkar kmie ba kidei ban pynmih ia ka jingbthah ban pyntikna ba baroh ki tnad trei kam kin ia burom lang ia kum kine ki sngi ba kyrpang.
Ha kajuh ka por ka FKJGP kala buh ruh ka jingmaham ba kan leh da kaba tyngeh ia kito kiba ialeh pyrshah ha ka lyngkhuh sngi iap U Tirot Sing Syiem, ka ban sa long ha ka 17 tarik mynta u bnai Naitung
 kala khang khyrdep ia ka General Post Office (GPO) ha Shillong bad ia ka Post Office ha 7th Mile Upper Shillong halor ka jingkynnoh ba ki khlem burom ia ka sngi shuti jong ka jylla ha kaba iadei bad ka leh niam Behdeinkhlam jong ki paidbah ka ri lum Jaintia.){kind=link}